Megopoliste epidemiologiialyq jaǵdai jaqsaryp keledi. Bul týraly qala ákimi Baqytjan Saǵyntaev «Almaty» telarnasyndaǵy Akimat Live baǵdarlamasynyń tikelei efirinde aitty, dep habarlaidy "Ult aqparat".
Almatylyqtardyń suraqtaryna jaýap bergen shahar basshysy epidemiologiialyq jaǵdaidyń turaqtalǵanyn aitty. 16 qyrkúiektegi málimet boiynsha, KVI juqtyrýdyń 14 325 oqiǵasy tirkelgen, 13 941 adam (97,3%) emdelip shyqty. Qaýipti keselden 270 adam kóz jumdy.
«Qyrkúiek aiy bastalǵanan beri aýrý juqtyrý kórsetkishi tómendedi. Máselen 9 qyrkúiek kúni – 11 naýqas, sosyn 9, 8, 6-ǵa deiin azaidy. 11 qyrkúiek kúni infektsiiany juqtyrǵan bir de bir adam tirkelgen joq. 14 qyrkúiek kúni eki adamnan anyqtaldy, keshe bir adamnan shyqty»,– dedi Baqytjan Saǵyntaev.
Sonymen qatar, ol qalada 527 myńnan astam adamǵa PTR test jasalǵanyn atap ótti.
