Foto: Polisia.kz
Ishki ister ministrligi áleýmettik jelilerdegi "jabyq" toptardy anyqtady. Olar arqyly Almaty qalasynda qaltaly er adamdar úshin intimdik jáne "eskort-súiemeldeý" qyzmetterin kórsetetin modeldik kelbeti bar qyzdardyń qatysýymen "jeke" seks-keshter uiymdastyrylǵan, - dep habarlaidy "Ult aqparat" Polisia.kz saityna silteme jasap.
IIM uiymdasqan qylmysqa qarsy kúres departamentiniń qyzmetkerleri kóliktegi politsiia departamentiniń UQQKB-men birlesip, sol toptardyń uiymdastyrýshysy men ákimshisi – 25 jastaǵy almatylyq qyzdy ustady. Ol aqshaǵa seksýaldyq qyzmet kórsetýge daiyn kelbetti qyzdardy izdep, bai klientterdi tartýmen ainalysqan.
Ol qyzdarǵa "demeýshilerdi" tabýǵa, álemdi kórýge jáne ómirin jeńildetýge ýáde bergen. Topqa kirý 300 AQSh dollaryn quraǵan.
Kórsetilgen jeńgetailyq qyzmeti úshin kúdikti klientten túsken aqshanyń 40 paiyzyn ózine alyp otyrǵan. Al qalǵanyn qyzmet kórsetken qyz alǵan. "Kezdesýdiń" quny bir saǵat úshin 500 myń teńgeden bastap, ártúrli baǵamen ólshengen.
Qarjy monitoringi agenttigimen birlesip derekterdi taldaý nátijesinde kúdiktiniń 2022 jylǵy qarajat ainalymy anyqtaldy. Ol - 209 million teńgeden astam soma.
Seks-biznesti uiymdastyrýshy óz qyzmetin jasyrýǵa tyrysqan. Ózin Instagram áleýmettik jelisinde 100 myńnan astam oqyrmany bar tabysty model ári bloger retinde kórsetken. Resmi túrde esh jerde jumys istemegen. Tintý barysynda kúdiktiden qylmystyq "biznes" týraly jazbalary bar kúndelik, jańa jáne satyp alynatyn jyljymaityn múlikke qujattar, aq tústi untaq zattyń qaldyqtary bar qalta ainasy, esirtki zattaryn tutynýǵa arnalǵan buralǵan aqsha, Lexus ES 250 jáne Toyota Camry 70 markaly avtomashinalar, sondai-aq salmaǵy 1,72 gramm bolatyn "mefedron" tabylyp, tárkilendi.
Sonymen qatar, jezókshelikpen ainalysý úshin osy "jabyq" toptarda turatyn "elitalyq eskortshylar" politsiia bólimine jetkizildi. Prokýratýra kelisimi boiynsha QR QK-niń 309-babymen "Jezókshelikpen ainalysýǵa pritondar uiymdastyrý jáne jeńgetailyq" jáne 297-babymen "Esirtki quraldaryn, psihotroptyq zattardy, olardyń analogtaryn ótkizý maqsatynda zańsyz daiyndaý, qaita óńdeý, satyp alý, saqtaý, tasymaldaý" sotqa deiingi is qozǵaldy. Kúdikti qamaýǵa alyndy. Tergeý jalǵasyp jatyr.
