Almatyda elektr energiiasy qymbattady. Bul týraly Tabiǵi monopoliialardy retteý komitetiniń Almaty qalasy boiynsha departament basshysy Bolat Sámbetov brifing barysynda aitty, dep habarlaidy "Ult aqparat".
Bolat Sámbetovtyń aitýynsha, 2020 jyldyń 1 qańtarynan bastap elektr qýatynyń tarifi azdap kóterildi.
«Ótken jyldyń sońynda «AlmatyEnergoSbyt» JShS baǵany kóterý týraly ótinish jasady. Nátijesinde tarif 4,6% qymbattap, tutynýshylar ár kilovatt úshin endi burynǵydai 16 teńge 36 tiyn emes, 17 teńge 12 tiyn tóleidi. Mundai sheshim qabyldaýǵa elektr qýatyn jetkizetin alpaýyt kompaniialardyń qyzmet qunyn ósirýi sebep boldy. Naqtyraq aitqanda, «Jańartylatyn energiia kózderi boiynsha esep aiyrysý-qarjy ortalyǵy» JShS elektrmen jabdyqtaý qyzmetterine tarifti 30%-ǵa, «KEGOC» jelileri arqyly elektr energiiasyn jetkizý boiynsha qyzmet 12% -ǵa, «QTJ» AQ qyzmetteriniń 2%-ǵa qymbattaýy», – dep túsindirdi Bolat Sámbetov.
Onyń aitýynsha, qazir qaladaǵy sýyq sý tarifi – 42,8 teńge, káriz sýy – 23, 13 teńge, jylý baǵasy – 3365 teńge, gaz – 26,5 teńge.
«Ótken jyly turǵyndarǵa jylý tarifi 18 paiyzǵa tómendedi. Biyl jylý tarifteri kóterilmeidi dep úmittenemiz, óitkeni biz bul jerde tariftiń kóterilýine eshqandai sebep joq»,– deidi ol.
Buǵan deiin, departament basshysy Almatyda aqpannan bastap sýdyń tarifi 4%-ǵa arzandaǵanyn aitqan bolatyn.
