Almaty ákimi Baqytjan Saǵyntaev Tuńǵysh Prezident qorynyń «El úmiti» jobasy aiasynda júzege asyrylǵan «Elbasy medali» baǵdarlamasy men «El maqtanyshy» syilyǵynyń jeńimpazdaryn marapattady, dep habarlaidy "Ult aqparat".
«El úmiti» jobasy Tuńǵysh Prezident — Elbasy N. Nazarbaevtyń bastamasymen júzege asyp jatyr. Jastar jylynda Elbasy daryndy, belsendi jáne shyǵarmashyl jastardy júielik negizde qoldaý qaǵidatyn bekitýdi usyndy.
Baǵdarlamaǵa 14-29 jas aralyǵyndaǵy 571 almatylyq qatysty, onyń 90-y medalmen marapattaldy.
Ziiatkerlik olimpiadada jeńimpaz bolǵan bes oqýshy jáne olardy saiysqa daiyndaǵan 15 muǵalim «El maqtanyshy» syilyǵymen marapattaldy.
Biyl intellektýaldy saiystarǵa qalanyń 359 oqýshysy qatysyp, onyń 237-si júldeli oryndarǵa ie boldy.
Qala ákimi B. Saǵyntaev Tuńǵysh Prezident — Elbasynyń arnaiy marapat ielerin quttyqtai kele, daryndy jastardy qoldaý sharalary jáne bilim alý men qabiletti jan-jaqty damytý úshin jaǵdai jasaý týraly aitty.
Biyl qoldaý sharalary aiasynda 500-den astam jas muǵalim 30 mln teńgege materialdyq kómek aldy. Sondai-aq, muǵalimderdi qarjylai qoldaý maqsatynda jalaqy 2020 jyldyń 1 qańtarynan bastap 25% ósti.
Sonymen qatar, 2020 jyldan bastap alǵash ret óz jumysynda joǵary kórsetkishterge qol jetkizgen qalanyń úzdik muǵalimderi úshin aqshalai syilyqpen qatar, Almaty qalasy ákiminiń arnaiy granttary engizildi.
2 bólmeli páter men avtokólik jyl saiynǵy qalalyq «Almaty muǵalimi» baiqaýynyń jeńimpazdaryna tapsyrylyp otyrdy.
Sonymen birge muǵalimderdiń turmystyq jaǵdaiyn jaqsartý jumysy jalǵasyp jatyr. Osylaisha, biyl 266 jas muǵalim úimen qamtamasyz etildi.
.jpeg)