Foto: Jasandy intellekt
Almatyda ekskavator mopedte otyrǵan 16 jastaǵy jasóspirimdi qaǵyp óltirdi. Qaiǵyly jaǵdaidy Almatynyń politsiia departamenti rastady, dep habarlaidy «Ult aqparat» Stan.kz-ke silteme jasap.
Jantúrshigerlik jol apaty 24 qazan kúni saǵat 08:10-da Alataý aýdanynda bolǵan.
“Alǵabas yqshamaýdanyndaǵy Dospanova kóshesimen soltústik baǵytta kele jatqan 15 jastaǵy moped aidaǵan jasóspirim qatar kele jatqan “Chevrolet” kóligimen soqtyǵysqan. Qatty soqqy saldarynan moped aýdarylyp qaldy. Al onyń jol jiegine qulaǵan 16 jastaǵy jolaýshysyn ekskavator basyp ketti”, – dep málimdedi politsiia.
Jasóspirim jaraqat saldarynan oqiǵa ornynda kóz jumdy. Adam ólimine ákep soqqan jol apatyna qatysty sotqa deiinge tergeý bastaldy.
Politsiianyń málimetinshe, jyl basynan beri mopedterdiń qatysýymen 743 jol-kólik oqiǵasy bolyp, saldarynan 14 adam qaza tapty.
Buǵan deiin Qazaqstanda júrgizýshilerge mopedin tirkeý úshin qandai qujattar keregi aitylǵan edi.
