Eks-ministr urlanǵan 3 million dollaryn qaitara almai júr. Suǵanaqtar burynǵy týrizm jáne sport ministri Temirhan Dosmuhambetovtiń odan bólek 50 myń eýrosy men quny 150 myń dollar turatyn baǵaly saǵatyn da qoldy qalǵan eken. Kóp uzamai kúdikti de ustalypty. Biraq, urlyqqa esh qatysym joq degen ol endi óziniń kinásiz ekenin sotta dáleldei almai álek. Bul týraly KTK habarlaidy.
Basylymnyń málimetinshe, biyl dál Naýryz meiramynda eks-sheneýniktiń úiinen iri kólemde aqsha urlanypty. Bul týraly quzyrly oryndardyń qujaty bylai deidi: "Belgisiz tulǵalar ózgeniń múlkine qol suǵaryn bile tura zańsyz jolmen ǵimaratqa kirip, bólmede ornalasqan metall seifti buzyp, sol jerden Dosmuhambetov Temirhan Myńaidarulyna tiesili iri kólemdegi aqshany urlap, sol arqyly aitarlyqtai múliktik ziian keltirgen".
Qazirgi ýaqytta osy qylmysqa qatysy bar degen kúdikpen bir adam qamaýda otyr. Alaida, advokaty onyń eshqandai urlyq jasamaǵanyn aitady. Óitkeni, is boiynsha urlyqqa kýá bolǵan adam joq.
"Ol kisi úide bolǵan. Ol kisiniń áieli úide bolǵan. Ol kisi túngi ýaqytta úide uiyqtaǵan. Úiden shyqpaǵan", - deidi advokat Álimjan Oralbai.
Al Temirhan Myńaidaruly bolsa urylar túsken úi baýyryna tiesili ekenin aityp otyr. Sózine sensek, aǵasy qalada bolmai qalyp, ornyna politsiiaǵa ózi aryzdanýǵa májbúr bolypty. Dese de is materialdary boiynsha Dosmuhambetovtyń óz aty tur. Demek, eks-sheneýniktiń esimi áli talai sóz bolaiyn dep tur (Derekkóz: KTK).
