Búgin, 15 naýryzda, QR Aqparat jáne qoǵamdyq damý ministrliginiń bastamasymen Ál-Farabi atyndaǵy Qazaq ulttyq ýniversiteti ekologiia salasynda mamandanǵan jýrnalister úshin oqytý kýrstaryn ótkizýge kiristi (baǵdarlama qosa beriledi).
Bul týraly búgin óziniń Facebook paraqshasynda QR Aqparat jáne qoǵamdyq damý ministri Aida Balaeva jazdy, dep habarlaidy QazAqparat.
Kýrstar 2020 jyly QR Aqparat jáne qoǵamdyq damý ministrligi men Ál-Farabi atyndaǵy Qazaq ulttyq ýniversiteti jáne QR Ekologiia, geologiia jáne tabiǵi resýrstar ministrligi arasyndaǵy Ózara túsinistik jáne yntymaqtastyq týraly jasasqan memorandýmdy júzege asyrý aiasynda ótkizilýde.
Kýrsqa qatysýshylarǵa bes kún boiy BAQ-ta ekologiialyq máselelerdi taratý, ekologiialyq bilim berý men tárbieleý, qaldyqtardy kádege jaratý jáne qorshaǵan ortany qorǵaý problemalary boiynsha ózekti suraqtar túsindiriletin bolady.
Kýrstyń ashylýynda Qazaqstandaǵy BUU Jahandyq kommýnikatsiialar departamentiniń ókili - Qazaqstandaǵy BUU Aqparattyq biýrosynyń basshysy Vlastimil Samek myrza alǵy sóz sóiledi.
Spikerler retinde Ál-Farabi atyndaǵy QazUÝ oqytýshylary jáne Tájiribeshil ekologtar qaýymdastyǵynyń tóraǵasy sóz sóileidi.
Oqytý kýrstary 2021 jyldyń 19 naýryzyna deiin ótedi.
Tikelei kórsetilim Ál-Farabi atyndaǵy Qazaq ulttyq ýniversitetiniń Facebook-tegi resmi paraqshasynda ótedi.
