«Ańsaǵan sábi» baǵdarlamasy boiynsha Almatyǵa 800 kvota bólindi. Bul týraly turǵyndarmen ótkizgen eseptik kezdesýinde qala ákimi Baqytjan Saǵyntaev aitty, dep habarlaidy "Ult aqparat".
Memleket basshysynyń halyqqa Joldaýynda aitylǵan «Ańsaǵan sábi» baǵdarlamasyn iske asyrý aiasynda ekstrakorporaldy uryqtandyrýǵa kvota sany 7 esege ulǵaityldy.
«Almatyǵa 800 kvota bólindi. Oǵan qalalyq Qoǵamdyq densaýlyq saqtaý basqarmasy jaýapty. Kelesi jyly ministrlik tarapynan 300-350 kvota bólý josparlanyp otyr. Oǵan qarajat respýblikalyq biýdjetten qarastyrylǵan», - dedi qala ákimi.
Aita keteiik, byltyr qalada EKO-ǵa 130 kvota bólingen bolatyn. Áieldi EKO-ǵa jiberý týraly sheshim qalalyq qoǵamdyq densaýlyq basqarmasy janynan qurylǵan komissiia otyrysynda qabyldanady. Búgingi kúni kezekte 700-den astam áiel tur.
