Almatyda eki jigit boijetkendi kúshtep, kólikke mingizip alyp qashty. Oqiǵanyń videosy áleýmettik jelide tarady, dep habarlaidy QazAqparat.
Almaty qalalyq Politsiia departamenti atalmysh oqiǵa boiynsha eshqandai habar, ótinish túspegenin málim etti.
«Alataý aýdandyq politsiia basqarmasy janyndaǵy politsiia bóliminiń málimetinshe, bolǵan oqiǵa týraly 102 pýltine signal, ótinishter túsken joq. Qazirgi ýaqytta mán-jailardy anyqtaý úshin jedel bólimshe tekserý is-sharalaryn júrgizýde. Tájiribege súiensek, bul prank nemese qandai da bir shyǵarmashylyq ónimniń túsirilimi bolýy múmkin. Qalai bolǵanda da, tekserý sharalary júrip jatyr», - dedi qalalyq politsiia departamentiniń baspasóz hatshysy Saltanat Ázirbek.
Aita keteiik, QR Qylmystyq Kodeksiniń 125-baby «Adamdy urlaý» boiynsha qylmys jasaǵan adamǵa tórt jyldan jeti jylǵa deiingi merzimge bas bostandyǵynan aiyrý jazasy kózdelgen.
