Almaty qalasynda 2 boijetken koronavirýs indetinen emdelip shyqty, dep habarlaidy "Ult aqparat" coronavirus2020.kz silteme jasap.
Qazaqstan boiynsha koronavirýs infektsiiasynan jazylǵandar sany 44-ke jetti. Al sońǵy málimet boiynsha elimizde 584 jaǵdai tirkelgen.
Almaty qalasynda koronavirýs juqtyrýdyń 116 oqiǵasy tirkeldi. Aýrýǵa shaldyqqandarmen bailanysta bolǵan alty adamnan virýs anyqtalǵan.
Qazirgi kezde qalanyń infektsiialyq statsionarlarynda COVID-19 diagnozy qoiylǵan 96 patsient jatyr, olardyń biri – Almaty oblysynyń turǵyny.
79 naýqastyń jaǵdaiy qanaǵattanarlyq. Eresek eki adamnyń jaǵdaiy óte aýyr, taǵy ekeýiniń jaǵdaiy aýyr, 13 adam – ortasha aýyr halde jatyr.
Búgin koronavirýs dertinen aiyqqan taǵy eki patsient úilerine jiberildi. Bul 1997 jáne 1998 jylǵy eki boijetken. Olardyń biri 15 naýryzda Ystanbul-Almaty reisimen ushyp kelgen, ekinshisi virýs anyqtalǵan adammen bailanysta bolǵan.
Búginde Almatyda 21 adam aýrýhanadan shyǵaryldy, sonyń ishinde eki bala bar. Olardyń barlyǵy 14 kúndik úi jaǵdaiyndaǵy karantinde jatyr.
Qazirgi kezde ýaqytsha ortalyqtarda 521 adam bar, sonyń ishinde 79-y – bala.
Eki kúndik karantinde 390 azamat (48 bala), al úi jaǵdaiyndaǵy karantinde – 4 805 adam jatyr.
