الماتىدا ەكٸ بويجەتكەن كوروناۆيرۋستان ەمدەلدٸ

الماتى قالاسىندا 2 بويجەتكەن كوروناۆيرۋس ٸندەتٸنەن ەمدەلٸپ شىقتى, دەپ حابارلايدى "ۇلت اقپارات" coronavirus2020.kz سٸلتەمە جاساپ.

قازاقستان بويىنشا كوروناۆيرۋس ينفەكتسيياسىنان جازىلعاندار سانى 44-كە جەتتٸ. ال سوڭعى مەلٸمەت بويىنشا ەلٸمٸزدە 584 جاعداي تٸركەلگەن. 

الماتى قالاسىندا كوروناۆيرۋس جۇقتىرۋدىڭ 116 وقيعاسى تٸركەلدٸ. اۋرۋعا شالدىققاندارمەن بايلانىستا بولعان التى ادامنان ۆيرۋس انىقتالعان. 

قازٸرگٸ كەزدە قالانىڭ ينفەكتسييالىق ستاتسيونارلارىندا COVID-19 دياگنوزى قويىلعان 96 پاتسيەنت جاتىر, ولاردىڭ بٸرٸ – الماتى وبلىسىنىڭ تۇرعىنى. 

79 ناۋقاستىڭ جاعدايى قاناعاتتانارلىق. ەرەسەك ەكٸ ادامنىڭ جاعدايى ٶتە اۋىر, تاعى ەكەۋٸنٸڭ جاعدايى اۋىر, 13 ادام – ورتاشا اۋىر حالدە جاتىر. 

بٷگٸن كوروناۆيرۋس دەرتٸنەن ايىققان تاعى ەكٸ پاتسيەنت ٷيلەرٸنە جٸبەرٸلدٸ. بۇل 1997 جەنە 1998 جىلعى ەكٸ بويجەتكەن. ولاردىڭ بٸرٸ 15 ناۋرىزدا ىستانبۇل-الماتى رەيسٸمەن ۇشىپ كەلگەن, ەكٸنشٸسٸ ۆيرۋس انىقتالعان اداممەن بايلانىستا بولعان. 

بٷگٸندە الماتىدا 21 ادام اۋرۋحانادان شىعارىلدى, سونىڭ ٸشٸندە ەكٸ بالا بار. ولاردىڭ بارلىعى 14 كٷندٸك ٷي جاعدايىنداعى كارانتيندە جاتىر. 

قازٸرگٸ كەزدە ۋاقىتشا ورتالىقتاردا 521 ادام بار, سونىڭ ٸشٸندە 79-ى – بالا. 

ەكٸ كٷندٸك كارانتيندە 390 ازامات (48 بالا), ال ٷي جاعدايىنداعى كارانتيندە – 4 805 ادام جاتىر.