video kadrlary
Almatyda eki jolaýshylar avtobýsy soqtyǵysty. Saldarynan 6 alty adam jaraqat alǵan, - dep habarlaidy "Ult aqparat" Polisia.kz Telegram-arnasyna silteme jasap.
"Almatyda 2 aqpan saǵat 08:30-da Ál-Farabi dańǵylynda (Jarokov kóshesiniń batysyna qarai) jol apaty boldy. Eki qoǵamdyq kólik soqtyǵysty.
Jergilikti politsiia qyzmeti kezekshi bóliminiń málimeti boiynsha, 31-baǵyttaǵy Yutong qoǵamdyq kóliginiń júrgizýshisi dańǵylmen batys baǵytta kele jatyp, araqashyqtyqty saqtamai, aialdamada turǵan 116-baǵyttaǵy SAZ qoǵamdyq kóligimen soqtyǵysqan. Aldyn ala málimet boiynsha, alty adam dene jaraqatyn aldy" - delingen PD habarlamasynda.
Jol-kólik oqiǵasyn Bostandyq aýdandyq PB-nyń qyzmetkerleri óndiriske qabyldady.
video: Tengrinews.kz
