Almatyda eki er adam avtobýs júrgizýshisin soqqyǵa jyqty, dep habarlaidy "Ult aqparat".
Qoǵamdyq kólik júrgizýshisine qol kótergenderdiń beinejazbasy Instagram jelisinde jariialandy.
Qoǵamdyq kólik ishindegi beinebaqylaýdan er adamnyń avtobýsqa kirip, júrgizýshiniń qasyna kelgeni kórinedi. Keiin olardyń ózara daýlasyp jatqanyn baiqaýǵa bolady. Bir kezde avtobýsqa mingen adam júrgizýshige qol jumsaidy. Olardyń janyna taǵy bir er adam júgirip keledi.
Jolaýshylar tasymaldaityn «Batý Trevel» kompaniiasynyń málimetinshe, keleńsiz oqiǵa 21 shilde kúni bolǵan.
«Ol kezde avtobýs júrgizýshisi janarmai beketine bara jatqan. Avtobýstyń aldyn kesip kólik toqtaǵan. Jol-kólik oqiǵasynan qashyp, solǵa burylǵan avtobýs júrgizýshisi oǵan signal berip ketedi. Qoǵamdyq kólik júrgizýshisiniń bul qylyǵy unamaǵan bolý kerek, ol avtobýsty qýyp jetip, jolyn bógeidi. Keiin avtobýsqa kirip, júrgizýshini soqqyǵa jyqqan. Pyshaqpen qorqytqan», - deidi kompaniia ókili.
Avtobýs júrgizýshisi qashyp shyǵyp, janarmai bekitindegi adamdardan kómek suraǵan. Tártip saqshylary buzaqylardy bir kúnnen keiin ustady.
«Buzaqylar mas bolyp shabýyldaǵan. Olar kinásin moiyndady, keshirim surady, moraldyq shyǵyn tóledi, júrgizýshi keshirdi», - dedi kompaniiadaǵylar.
