الماتىدا ەكٸ ەر ادام اۆتوبۋس جٷرگٸزۋشٸسٸن سوققىعا جىقتى, دەپ حابارلايدى "ۇلت اقپارات".
قوعامدىق كٶلٸك جٷرگٸزۋشٸسٸنە قول كٶتەرگەندەردٸڭ بەينەجازباسى Instagram جەلٸسٸندە جارييالاندى.
قوعامدىق كٶلٸك ٸشٸندەگٸ بەينەباقىلاۋدان ەر ادامنىڭ اۆتوبۋسقا كٸرٸپ, جٷرگٸزۋشٸنٸڭ قاسىنا كەلگەنٸ كٶرٸنەدٸ. كەيٸن ولاردىڭ ٶزارا داۋلاسىپ جاتقانىن بايقاۋعا بولادى. بٸر كەزدە اۆتوبۋسقا مٸنگەن ادام جٷرگٸزۋشٸگە قول جۇمسايدى. ولاردىڭ جانىنا تاعى بٸر ەر ادام جٷگٸرٸپ كەلەدٸ.
جولاۋشىلار تاسىمالدايتىن «باتۋ ترەۆەل» كومپانيياسىنىڭ مەلٸمەتٸنشە, كەلەڭسٸز وقيعا 21 شٸلدە كٷنٸ بولعان.
«ول كەزدە اۆتوبۋس جٷرگٸزۋشٸسٸ جانارماي بەكەتٸنە بارا جاتقان. اۆتوبۋستىڭ الدىن كەسٸپ كٶلٸك توقتاعان. جول-كٶلٸك وقيعاسىنان قاشىپ, سولعا بۇرىلعان اۆتوبۋس جٷرگٸزۋشٸسٸ وعان سيگنال بەرٸپ كەتەدٸ. قوعامدىق كٶلٸك جٷرگٸزۋشٸسٸنٸڭ بۇل قىلىعى ۇناماعان بولۋ كەرەك, ول اۆتوبۋستى قۋىپ جەتٸپ, جولىن بٶگەيدٸ. كەيٸن اۆتوبۋسقا كٸرٸپ, جٷرگٸزۋشٸنٸ سوققىعا جىققان. پىشاقپەن قورقىتقان», - دەيدٸ كومپانييا ٶكٸلٸ.
اۆتوبۋس جٷرگٸزۋشٸسٸ قاشىپ شىعىپ, جانارماي بەكٸتٸندەگٸ ادامداردان كٶمەك سۇراعان. تەرتٸپ ساقشىلارى بۇزاقىلاردى بٸر كٷننەن كەيٸن ۇستادى.
«بۇزاقىلار ماس بولىپ شابۋىلداعان. ولار كٸنەسٸن مويىندادى, كەشٸرٸم سۇرادى, مورالدىق شىعىن تٶلەدٸ, جٷرگٸزۋشٸ كەشٸردٸ», - دەدٸ كومپانيياداعىلار.
