Almatyda belgili qazaqstandyq mánerlep syrǵanaýshy Denis Tenge músin ornatyldy. Eskertkish sportshy qaza tapqan jerge turǵyzyldy, dep habarlaidy QazAqparat.
Denis Tenniń músini qoladan, tuǵyry granitten jasalǵan. Biiktigi - 2,4 metr. Músin Denistiń qola medal jeńip alǵan Sochi Olimpiadasynyń finaldyq baǵdarlamasyn oryndap turǵan sátin órnektep tur. Qurmanǵazy jáne Baiseiitova kósheleriniń qiylysyna ornatylǵan eskertkish - Sank-Peterbýrg músinshisi Matvei Makýshkinniń týyndysy.
Aita keteiik, ol buǵan deiin ońtústik astanaǵa taǵy bir eńbegin - Viktor Tsoi músinin arnaǵan bolatyn.
«Biz Oksana Alekseevnaǵa alǵys aitamyz, óitkeni árbir detal, shtrihyna deiin sonyń qadaǵalaýynda boldy», - deidi Almaty ákiminiń orynbasary Arman Qyryqbaev. Ol Denis Tenniń anasymen birige sportshy týraly kitap shyǵarylatynyn, kúzde onyń qurmetine týrnir uiymdastyrylatynyn jetkizdi.
Eske sala keteiik, Denis Ten byltyr 19 maýsym kúni qaza tapty. Pyshaqtan aýyr jaralanǵan belgili sportshy aýrýhanaǵa jetkizilgen soń qaitys bolǵan edi. Al ony óltirgen qylmyskerlerge 17 qańtar kúni Almatyda úkim oqyldy.
