Almaty ákimi Baqytjan Saǵyntaev Almaty telearnasyndaǵy tikelei efirde qalada saýda jáne oiyn-saýyq ortalyqtary demalys kúnderi nege ashylmai turǵanyn túsindirdi, dep habarlaidy "Ult aqparat".
«Men biznesmenderdiń alańdaýshylyǵyn túsinip otyrmyn. Alaida tótenshe jaǵdai bolǵan kezdi eske túsirsek, biz karantinnen keiin ashtyq, biraq 1 aidan soń barlyǵy qaita jabyldy. Árine, olar shyǵynǵa batqan soń tezirek ashylǵysy keledi. Alaida, qazir ashyp alyp, qaita jabylsaq, onyń qajeti qansha? Halyq taǵy jumysynan airylady. Tabystan qaǵylady. Ázirshe jaǵdai turaqtalǵansha kúte turamyz. Qazir saýda oryndary aptasyna 5 kún jumys istep tur. Olardyń tezirek ashylǵanyna biz de múddelimiz», - dedi ákim.
Onyń aitýynsha, saýda jáne oiyn-saýyq ortalyqtary kelýshilerdiń sanitarlyq qaýipsizdigin saqtaý sharalaryn túgel qamtamasyz etip otyr.
«Belgili bir tetiktermen qaýip seiilgenine kóz jetkizsek, ákimdik, álbette osy qadamǵa barady. Memlekettik komissiiaǵa unysys beremiz. Osy jáne kelesi juma baqylap kóremiz. Alaida demalys kúnderi adam kóp shoǵyrlanatynyn esten shyǵarmaiyq», - dedi ákim.
Aita ketý kerek, Almaty qalalyq bas sanitar dárigerdiń qaýlysyna sáikes, qalada demalys kúnderi saýda, oiyn-saýyq ortalyqtary, demalys oryndary jabyq turady.
Almaty ákimi karantin ýaqytynda osymen 7-shi ret tikelei efirde halyqtyń saýalyna jaýap berip otyr.
