Almatyda 11-12 shilde kúnderi qoǵamdyq kólik marshrýtqa shyqpaidy, dep habarlaidy Almaty qalasynyń kólik holdinginen.
«Qaýipti indettiń ýshyǵa túsýine bailanysty demalys kúnderi, iaǵni 11-12 shildede qoǵamdyq kóliktiń qyzmeti toqtatylady», - delingen habarlamada.
Dúisenbi, 13 shilde kúni avtobýstar jumysy qaita jandanady.
Aita keteiik, shekteý sharalary aiasynda qoǵamdyq kólikterdiń júrý ýaqyty bir saǵatqa qysqardy. Iaǵni avtobýs, trolleibýs marshrýttary men metro tańǵy saǵat 06:00-den keshki saǵat 22:00-ge deiin júredi.
Eske salaiyq, koronavirýs infektsiiasyna qatysty epidemiologiialyq ahýaldy turaqtandyrý maqsatynda 5 shildeden bastap elimizde 14 kúnge qatań shekteý sharalary engizildi.
