Almaty qalasynda 4 shilde kúni aýa raiynyń kúrt buzylýyna bailanysty daýyldy eskertý jariialandy. Bul týraly qalalyq Tótenshe jaǵdailar departamenti málimdedi, dep habarlaidy ult.kz.
«Qazgidromet» RMK-nyń boljamyna sáikes, kúndiz qalada ótkinshi jańbyr jaýyp, naizaǵai oinaidy. Sondai-aq batystan soǵatyn jeldiń ekpini sekýndyna 15-20 metrge deiin kúsheiedi.
Al Ile Alataýynyń taýly bólikterinde, atap aitqanda Medeý jáne Bostandyq aýdandarynda jańbyrmen qatar kei jerlerde qatty nóser, burshaq jáne ekpindi jel kútiledi. Jeldiń jyldamdyǵy sekýndyna 15-20 metrge jetse, kúndiz jekelegen aýmaqtarda 23-28 metrge deiin kúsheiýi múmkin.
Tótenshe jaǵdailar departamentiniń málimetinshe, 4-5 shilde aralyǵynda nóser jaýyn-shashyn saldarynan taýly aimaqtarda sel júrý qaýpi saqtalady.
Osyǵan bailanysty qutqarýshylar turǵyndar men qala qonaqtaryn daýyldy eskertý kezinde taýǵa shyqpaýǵa, avtokólikterdi aǵashtardyń astyna qoimaýǵa, sondai-aq álsiz bekitilgen qurylymdardyń janynda turmaýǵa shaqyrdy.
Mamandar turǵyndarǵa aýa raiyna qatysty resmi aqparattardy baqylap, qaýipsizdik talaptaryn qatań saqtaýǵa keńes beredi.
