الماتى قالاسىندا 4 شٸلدە كٷنٸ اۋا رايىنىڭ كٷرت بۇزىلۋىنا بايلانىستى داۋىلدى ەسكەرتۋ جارييالاندى. بۇل تۋرالى قالالىق تٶتەنشە جاعدايلار دەپارتامەنتٸ مەلٸمدەدٸ, دەپ حابارلايدى ult.kz.
«قازگيدرومەت» رمك-نىڭ بولجامىنا سەيكەس, كٷندٸز قالادا ٶتكٸنشٸ جاڭبىر جاۋىپ, نايزاعاي وينايدى. سونداي-اق باتىستان سوعاتىن جەلدٸڭ ەكپٸنٸ سەكۋندىنا 15-20 مەترگە دەيٸن كٷشەيەدٸ.
ال ٸلە الاتاۋىنىڭ تاۋلى بٶلٸكتەرٸندە, اتاپ ايتقاندا مەدەۋ جەنە بوستاندىق اۋداندارىندا جاڭبىرمەن قاتار كەي جەرلەردە قاتتى نٶسەر, بۇرشاق جەنە ەكپٸندٸ جەل كٷتٸلەدٸ. جەلدٸڭ جىلدامدىعى سەكۋندىنا 15-20 مەترگە جەتسە, كٷندٸز جەكەلەگەن اۋماقتاردا 23-28 مەترگە دەيٸن كٷشەيۋٸ مٷمكٸن.
تٶتەنشە جاعدايلار دەپارتامەنتٸنٸڭ مەلٸمەتٸنشە, 4-5 شٸلدە ارالىعىندا نٶسەر جاۋىن-شاشىن سالدارىنان تاۋلى ايماقتاردا سەل جٷرۋ قاۋپٸ ساقتالادى.
وسىعان بايلانىستى قۇتقارۋشىلار تۇرعىندار مەن قالا قوناقتارىن داۋىلدى ەسكەرتۋ كەزٸندە تاۋعا شىقپاۋعا, اۆتوكٶلٸكتەردٸ اعاشتاردىڭ استىنا قويماۋعا, سونداي-اق ەلسٸز بەكٸتٸلگەن قۇرىلىمداردىڭ جانىندا تۇرماۋعا شاقىردى.
ماماندار تۇرعىندارعا اۋا رايىنا قاتىستى رەسمي اقپاراتتاردى باقىلاپ, قاۋٸپسٸزدٸك تالاپتارىن قاتاڭ ساقتاۋعا كەڭەس بەرەدٸ.
