Almaty qalasynda dárilik zattardy kóterińki baǵamen satqan dárihana men farmatsevtikalyq kompaniia qyzmetkerleri ustaldy, dep habarlaidy "Ult aqparat" Qarjy monitoringi komitetiniń baspasóz qyzmetine silteme jasap.
Qarjy monitoringi komitetiniń Almaty qalasy boiynsha Ekonomikalyq tergeý departamenti dárilik zattardyń jetispeýshiligin qoldan jasaǵan tulǵalardy anyqtaýǵa qatysty is-shara júrgizilip jatyr.
9 shildede kóleńkeli naryqta dárilik zattardy kóterińki baǵada satýmen ainalysqan dárihana men farmatsevtika kompaniiasynyń jumysshylary ustaldy.
«Áleýmettik qaýip-qater dárilik zattardyń naqty jetispeýshiligi týyndaǵanǵa deiin qoimalarda saqtalýyna bailanysty bolyp otyr. Naryq jaǵdaiǵa sáikes tapshylyq týyndaǵanda baǵalar ósedi. Farmatsevtter óz kezeginde kerekti dári-dármek kólemin dárihana jelilerine jetkizbei, olardy kóleńkeli naryqta 30-50 paiyzǵa qymbattatyp satady.
Is-shara barysynda jalpy somasy 4,7 mln teńgeni quraǵan 500 býma «Ingavirin», «Azitromitsin», «Zomaks» dári-dármekteri tabyldy», delingen habarlamada.
Atalǵan fakti boiynsha Qylmystyq kodekstiń 214-baby 1-bólimi (zańsyz kásipkerlik) sáikes sotqa deiingi tergeý amaldary bastaldy.
