Almaty ákimdigi qala kúnin merekeleý aiasynda pandemiia kezinde koronavirýspen kúreste aldyńǵy qatarda bolǵan dárigerlerdiń eńbegi men erligine degen alǵys pen qurmet belgisi retinde «Almaty yntymaqtastyǵy» kórmesin uiymdastyrdy, dep habarlaidy "Ult aqparat" .
Almatylyqtar metro stantsiialary men LED-ekrandardaǵy bilbordtardan aq halatty abzal janardy kóre alady.
Fotosessiiaǵa №29 Qalalyq emhanasynyń, Almaty qalalyq Jedel meditsinalyq járdem qyzmetiniń, № 1 Qalalyq klinikalyq aýrýhanasynyń, ShJQ «Ortalyq qalalyq klinikalyq aýrýhana» MKK, №17 Qalalyq emhanasynyń, I.S. Jakenova atyndaǵy qalalyq klinikalyq juqpaly aýrýlar aýrýhanasynyń jáne Qalalyq balalar juqpaly Aýrýlar aýrýhanasynyń 100-den astam meditsina qyzmetkeri qatysty.
«Ózimnen jáne óz áriptesterimnen fotosessiiaǵa shaqyrǵany úshin alǵysymdy bildirgim keledi. Naýryz aiynan beri kórmegen kóptegen áriptesterimizdi kórdik. Tájiribe almasyp, bir týǵandai áńgimelese aldyq. Kóńil-kúidi kóteretin osyndai is-sharalar kóbirek bolsa eken», - dedi medbike Gúlmira Abdýllaeva.
