Almatyda meditsina salasynda kadr jetispeýshiligi áli de ózekti kúiinde qalyp otyr. Bul jóninde Óńirlik kommýnikatsiia ortalyǵynda ótken brifing barysynda qalalyq qoǵamdyq densaýlyq basqarmasy basshysynyń orynbasary Laýra Myrzaǵali málim etti, dep habarlaidy QazAqparat.
Onyń aitýynsha, densaýlyq saqtaý uiymdarynda 216 dáriger men 214 orta meditsina qyzmetkeri tapshy.
«Meditsinalyq uiymdarda anesteziolog-reanimatologtar, jalpy tájiribelik dárigerler, pediatrlar, ýchaskelik terapevter, eresekter men balalar nevropatologtary, akýsher- ginekologtar jetpeidi», - deidi Laýra Myrzaǵali.
Sonymen qatar, ol bul máseleni sheshý úshin 2021-2025 jyldarǵa arnalǵan kadr tapshylyǵyn joiý jónindegi jol kartasy ázirlengenin atap ótti.
«Jol kartasyna sáikes, 120-dan asa tapshy mamandyq boiynsha rezidentterdi daiarlaýǵa jergilikti biýdjetten 1 oqý jylyna 386 mln teńge somasynda qarjy bólindi. Sondai-aq, orta meditsinalyq qyzmetkerlerdi oqytýǵa 391 grant berildi jáne óte tapshy mamandyqtar boiynsha dárigerlerge 10 qyzmettik páter bólý josparlanýda», - deidi ol.
