Almatyda meditsinalyq kadr tapshylyǵy joq. Bul týraly búgin onlain brifing barysynda qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aitty, dep habarlaidy "Ult aqparat".
«Meditsinalyq qyzmetkerler arasynda keshe 2 áriptesimiz aýyr halde jatqan bolatyn. Búgin olardyń jaǵdaiy birshama jaqsardy. Qazir olardyń jai kúii ortasha dep baǵalanyp otyr. Qazir qalanyń statsionarlarynda jatqan 25 áriptesimizdiń jaǵdaiy ortasha. Al basqalarynyń jaǵdaiy qanaǵattanarlyq», -dedi Tileýhan Ábildaev.
Sonymen qatar, basqarma basshysynyń aitýynsha, qalada meditsinalyq qyzmetkerlerdiń jetispeýshiligi baiqalmaidy. 11 kúnnen soń dárigerlerdiń kópshiligi jumysqa shyǵady.
«Olar emdeý mekemelerine qaita oralady dep senemin», - dedi basqarma basshysy.
Aita ketý kerek, Almatyda 218 meditsinalyq qyzmetker koronavirýs juqtyrǵan.
