Foto:elements.envato.com
Almatydaǵy aýrýhanalardyń birinde dáriger 19 jastaǵy sanitardy soqqyǵa jyqty degen aqparat tarady. Alaida meditsinalyq mekeme bul derekti joqqa shyǵaryp otyr, - dep habarlaidy Tengrinews.kz agenttigi.
Áleýmettik jelide №7 qalalyq klinikalyq aýrýhanada qabyldaý bóliminiń meńgerýshisi 2003 jylǵy sanitardy urdy degen aqparat tarady.
"Qatty soqty. Jedel járdem bólmesinde sabady. Sanitar tipti qorǵanbady, sebebi ol jetekshiden qorqatyn", - dedi aýrýhana qyzmetkerleri Instagram jelisindegi Talgarnews-pabliginde.
Sondai-aq, qyzmetkerler basshynyń kúsh qoldanyp, qyzmetkerlerge júieli túrde psihologiialyq qysym kórsetýi birinshi ret emes ekenin aitqan.
"Ol psihologiialyq qysym kórsetedi, aiǵailaidy. Biz naýqastarmen jumys isteimiz, jumysymyz ońai emes. Eń las jumysty sanitarlar jasaidy, olar da shydap júredi. Sonymen qatar, barlyq basqa aýrýhana syiaqy alǵanda, biz syrtta qalamyz. Ótken merekelerdiń bárinde syiaqy almadyq, jaǵdaiymyzdy ministrlikke jetkizýge kómektesińizdershi", - deidi aýrýhana qyzmetkerleri.
Meditsinalyq mekeme basshylyǵy bul jaǵdaidan habardar ekenin aitty. Mán-jaidy anyqtaý úshin bólimniń meditsina qyzmetkerlerimen áńgime júrgizilgen.
"Emdelýshilerdi qoldaý jáne ishki aýdit qyzmetine qabyldaý bóliminiń qyzmetkerleri arasynda janjal týyndaǵany týraly aqparat kelip tústi. Mán-jaidy anyqtaý úshin bólim bastyǵynyń kúsh qoldanýy saldarynan zardap shekti degen sanitar, bólim basshysy, meditsina qyzmetkerlerimen áńgime júrgizildi.
Shabýyl deregi rastalmady, ony is júzinde kórgen kýágerlerdiń bolmaýyna bailanysty jáne sanitardyń ózi bul másele boiynsha emhana basshylyǵyna júgingen joq", - dedi aýrýhananyń baspasóz qyzmeti ókilderi.
Aýrýhananyń ishki aýdit qyzmetine kúndizgi ýaqytta qabyldaý bólimindegi jumys protsesi men mán-jaidy qadaǵalaý tapsyryldy.
"Is saraptaldy. Biyl 22 tamyzynda qabyldaý bóliminiń barlyq qyzmetkeriniń qatysýymen kadrlyq keńes ótkizý josparlanǵan. Barlyq mán-jaidy anyqtaý úshin tiisti sharalar qabyldanady", - dep qosty aýrýhana ókilderi.
