Foto: Turar Qazanǵapov
Almatyda emdeý mekemeleriniń biriniń dárigeri 11 jastaǵy balanyń zorlanǵanyn málimdedi. Aqparatty "NeMolchiKz" qoǵamdyq qorynyń ókilderi aitty, - dep habarlaidy Tengrinews.kz.
Qoǵam belsendiciniń aitýynsha, zardap shekken bala týysymen birge dárigerge kelgen.
"Dáriger qarap, onyń birneshe ret zorlanǵanyn túsingen. Balaǵa hirýrgiialyq kómek qajet. Bul oqiǵanyń egjei-tegjeiin ázirge ashpaimyn, biraq ol adam shoshityn jait", - dep jazdy qor basshysy Dina Tańsári.
Politseiler mundai fakt shynymen de tirkelgenin rastady. Is Qylmystyq kodekstiń 121-baby 4-bóligi boiynsha tergelip jatyr. Tergeý amaldaryn Medeý aýdanynyń politseileri júrgizip jatyr.
"Tergeý barysynda qajetti saraptamalyq zertteýler júrgizilip, istiń shynaiy mán-jaiy anyqtalady. Baǵa berilip, fakt rastalǵan jaǵdaida zańǵa sáikes sharalar qabyldanady", - dedi Almaty qalalyq Politsiia departamentiniń baspasóz qyzmeti ókilderi.
