Ortalyq Kommýnikatsiialar qyzmeti alańynda ótken brifingte Almaty ákimi Baqytjan Saǵyntaev qaladaǵy klinikalar men dárihanalarda dári-dármek tapshylyǵynyń aldyn alý úshin qandai jumystar atqarylyp jatqanyn aitty, dep habarlaidy "Ult aqparat".
Baqytjan Saǵyntaevtyń aitýynsha, turaqtandyrý qoryn qurý úshin 10 mlrd teńge bólindi. Onyń 5 mlrd teńge aýrýhanalar men emhanalardy dári-dármekpen qamtamasyz etýge, 5 mlrd teńge dárihanalardy dárilik preparattarmen úzdiksiz qamtamasyz etýge arnalǵan. Búgingi tańda 68 ataý boiynsha azaitylmaityn 8 mln dárilik preparattyń qory bar.
Sonymen birge, jeke qorǵanysh quraldarynyń eki ailyq qory qurylǵan. 4,7 mln jeke qorǵanys quraldary bar, «SK-farmatsiiadan» 4,6 mln jeke qorǵanys quraldary kelip túsedi. Sonymen qatar, qalada kúndelikti qýaty 1 mln birlikti quraityn meditsinalyq maska óndirisi jolǵa qoiylǵan.
