ورتالىق كوممۋنيكاتسييالار قىزمەتٸ الاڭىندا ٶتكەن بريفينگتە الماتى ەكٸمٸ باقىتجان ساعىنتاەۆ قالاداعى كلينيكالار مەن دەرٸحانالاردا دەرٸ-دەرمەك تاپشىلىعىنىڭ الدىن الۋ ٷشٸن قانداي جۇمىستار اتقارىلىپ جاتقانىن ايتتى, دەپ حابارلايدى "ۇلت اقپارات".
باقىتجان ساعىنتاەۆتىڭ ايتۋىنشا, تۇراقتاندىرۋ قورىن قۇرۋ ٷشٸن 10 ملرد تەڭگە بٶلٸندٸ. ونىڭ 5 ملرد تەڭگە اۋرۋحانالار مەن ەمحانالاردى دەرٸ-دەرمەكپەن قامتاماسىز ەتۋگە, 5 ملرد تەڭگە دەرٸحانالاردى دەرٸلٸك پرەپاراتتارمەن ٷزدٸكسٸز قامتاماسىز ەتۋگە ارنالعان. بٷگٸنگٸ تاڭدا 68 اتاۋ بويىنشا ازايتىلمايتىن 8 ملن دەرٸلٸك پرەپاراتتىڭ قورى بار.
سونىمەن بٸرگە, جەكە قورعانىش قۇرالدارىنىڭ ەكٸ ايلىق قورى قۇرىلعان. 4,7 ملن جەكە قورعانىس قۇرالدارى بار, «سك-فارماتسييادان» 4,6 ملن جەكە قورعانىس قۇرالدارى كەلٸپ تٷسەدٸ. سونىمەن قاتار, قالادا كٷندەلٸكتٸ قۋاتى 1 ملن بٸرلٸكتٸ قۇرايتىن مەديتسينالىق ماسكا ٶندٸرٸسٸ جولعا قويىلعان.
