Almatyda qala ákimi Baqytjan Saǵyntaevtyń halyqqa arnaǵan úndeýinen keiin shahardaǵy barlyq dabyl sirenalary iske qosylyp, jalpyqalalyq masshtabtaǵy tótenshe jaǵdai týraly habarlandy.
Tótenshe jaǵdailar departamentinen málim etkendei, bul, halyqty qulaqtandyrý úshin jasaldy.
«Almatyda 17 naýryz kúni, keshki saǵat 17:30 shamasynda dabyl qosyldy. Bul shara karantin rejiminiń engizilýine bailanysty halyqqa aqparatty jetkizý úshin jasaldy», - dedi TJD baspasóz qyzmetinen.
Dabyl soǵylǵan soń barlyq radio jáne telearnalar arqyly aýdiohabarlama taratyldy.
Aita ketý kerek, Almaty men Nur-Sultan qalalarynda karantin rejimi 19 naýryzda túngi saǵat 00:00-de engiziledi.
Azamattar men avtokólikterdiń qalaǵa kirip-shyǵýyn shekteý úshin 27 beket ornatylady.
Almaty ákimi Baqytjan Saǵyntaevtyń aitýynsha, karantin qala turǵyndarynyń qaýipsizdigi úshin jasalyp otyr.
«Tótenshe jaǵdai kezinde barlyǵymyz birigýimiz kerek. Bul jaǵdaida ár azamattyń tártibi men oi sanasy óte mańyzdy. Mundai qiyndyqtan bizdi tek birligimiz ben bir-birimizge qoldaýymyz, tártiptiligimiz ǵana alyp shyqpaq. Biz qiyndyqty jeńemiz!», - dedi ol.
