Almaty COVID-19 infektsiiasyna skrining júrgizetin jetinshi zerthana ashyldy, dep habarlaidy "Ult aqparat".
Almaty ákimi Baqytjan Saǵyntaev «Atakent» ortalyǵyndaǵy koronavirýs infektsiiasyn joǵarǵy dáldikpen anyqtaityn PTR diagnostikasy bar modýldik zerthana kesheniniń tusaýkeserine qatysty.
«COVID-19 anyqtaý múmkindigin keńeitip jatyrmyz. Joǵary tehnologiialyq zerthanany B.Ótemuratov atyndaǵy qor qala ákimdigine tabystady. Munda múmkindigi shekteýli adamdarǵa, jumyssyzdarǵa, kópbalaly, az qamtylǵan otbasylarǵa, josparly gospitalizatsiiaǵa baǵyttalǵan, jasy 50 asqan adamdarǵa, tynys alý joldary men júrek aýrýy bar azamattarǵa, epidemiiaǵa qarsy jumysqa jumyldyrylǵan azamattarǵa skrining jasalady. Osynyń arqasynda Almatyda koronavirýs infektsiiasynyń taralýyn shekteýge bolady»,- dep jazdy ákim Instagram-daǵy paraqshasynda.
Bul - Almatydaǵy jetinshi zerthana kesheni.
Almatyda koronavirýs infektsiiasyn anyqtaityn 6 zerthana jumys istep tur. Biraq olardyń barlyǵynda testileý aqyly.
