Foto: Egemen.kz.
Politseiler Almatyda ádepsiz sóz aityp, qoǵamdyq oryndardy lastaǵan fýtbol jankúierlerin jaýapqa tartty, - dep habarlaidy «Ult aqparat» Polisia.kz -ke silteme jasap.
"Sondai-aq, usaq buzaqylyq, sporttyq is-sharalarda ózin-ózi ustaý erejelerin buzý, qoǵamdyq orynda alkogol ishimdikterdi ishý boiynsha quqyqbuzýshylarǵa ákimshilik shara qoldanyldy", - dedi vedomstvo basshysy, IIM resmi ókili Shyńǵys Álekeshev.
Álekeshev mundai áreket tek "fýtbol jankúierleriniń" institýtyna ǵana emes, búkil eldiń imidjine nuqsan keltiretinin atap ótti.
"Komandalaryńyzǵa jankúier bolyp , olarǵa emotsional túrde qoldaý kórsetýge bolady jáne kerek, tek bári zań aiasynda bolýy qajet. Óz minez-qulqyńyzben qarsylastaryńyzdy nemese qarapaiym azamattardy renjitpei-aq", - dedi quqyq qorǵaý organynyń ókili.
Sondai-aq, basqarma basshysy "zań barshaǵa birdei" degen qaǵidany saqtaý keregin eske saldy: "Qoǵamdyq tártipti buzatyn árbir zańsyz áreket mindetti túrde jaýapkershilikke ákep soǵady.
Buǵan deiin "Aqtóbe" fýtbol klýbynyń jankúierleri Almaty metrosynda shoý uiymdastyrǵan bolatyn. Jankúierlerdiń qalyń toby aiqailap, sekirip, metrodaǵy ótkeldi jaýyp tastady.
