© AP Photo / Vladimir Tretyakov
Almatyda jappai tártipsizdik kezinde 1347 qarý urlandy. Bul týraly Almaty politsiia departamentiniń basshysy Qanat Taimerdenov málimdedi, dep habarlaidy Sputnik Qazaqstan.
"Terrorister 7 qarý-jaraq dúkenin basyp aldy. 1 347 qarý urlanǵan. Onyń ishinde - 501 myltyq, 807 tegis uńǵyly, 39 gaz travmatikalyq qarý", - dedi Taimerdenov brifingte.
Tártipsizdik kezinde 356 kólik zaqymdanǵan. Onyń 163-i politsiianyń qyzmettik kóligi.
Taimerdenov politsiia departamentin basyp alý maqsatynda 27 shabýyl uiymdastyrylǵanyn aitty.
Ol Almatydaǵy oqiǵa kezinde atys-shabýyl týraly jalǵan habarlamalardyń kóp túskenin atap ótti.
"Lańkester Almaty halyqaralyq áýejaiyn basyp aldy. Saýda-oiyn saýyq ortalyqtary men qarjy ortalyqtaryna shabýyl jasaldy. Qalanyń ár túkpirinde bir mezgilde ártúrli ǵimarattarǵa mina qoiylǵan. Osy kúnderi atys-shabýyl týraly jalǵan habarlamalardyń kóptep túskenin atap ótkim keledi. Bul taktikany lańkester politsiiany sharshatyp, kúshterdi osal etýi úshin qoldanǵan", - dedi departament bastyǵy.
