Almatyda koronavirýsqa bailanysty búginen bastap teatrlar men kinoteatrlar jabylady. Bul týraly Almaty qalasy ákiminiń orynbasary Erjan Babaqumarov qoǵamdyq keńestiń otyrysynda aitty, dep habarlaidy QazAqparat.
«Búginnen bastap qalanyń teatrlary men kinoteatrlary jabylady. Barlyq bilim berý, mádeniet jáne sport uiymdarynda, demalys ortalyqtarynda, meshitterde epidemiiaǵa qarsy sharalar kúsheitiledi», - dedi ol.
Qala ákiminiń orynbasary sońǵy eki apta ishinde sanitarlyq jumystar men profilaktikalyq sharalar júrgizilgenin jáne bul jumysty kúsheitý úshin eriktilerdiń qoldaýy qajet ekenin tilge tiek etti.
«13 naýryzdan bastap memleket esebinen ótkiziletin barlyq mádeni-sporttyq jáne basqa da buqaralyq is-sharalar toqtatylady. Jeke otyrystar boiynsha qatysýshylardyń sanyn azaitýǵa keńes beremiz», - dep tolyqtyrdy Erjan Babaqumarov.
