Almatyda 22 qarashadan bastap karantin jeńildeidi, dep habarlaidy QazAqparat.
Eldiń bas sanitar dárigeriniń №42 qaýlysyna sáikes, óńir «jasyl» aimaqqa ótkennen keiin eń kemi 7 kún «sary» aimaq talaptary boiynsha jumys isteidi.
«Jasyl» aimaq talaptaryna sáikes, Ashyq qosymshasyna tirkelgen kásiporyn nemese uiymdar túngi saǵat úshke deiin jumys istei alady. Buǵan deiin Jandarbek Bekshin qalada 100 myń adamǵa shaqqanda aýrýshańdyq 50-ge jetpese, «jasyl» aimaqqa sai karantin sharalary jeńildetiletinin aitqan bolatyn.
«Jasyl» aimaq talaptaryna sáikes, Ashyq qosymshasyna tirkelgen kásiporyn nemese uiymdar túngi saǵat úshke deiin jumys istei alady. Ashyq júiesindegi kóshbasshylar tańǵy 5-ke deiin jumys isteidi. Eger jekelei alǵanda qoǵamdyq tamaqtaný oryndarynda qonaqtar sany artady. Eger «sary» aimaqta 60% deiin ruqsat berilse, «jasyl» aimaqta oryndar sany 70% deiin artady. Al fýdkordtarda «sary» aimaqta 20% ruqsat berilse, «jasyl» aimaqta 30% artady», - dedi Almatynyń bas sanitar dárigeri. Sonymen qatar, búginnen bastap Almatyda barlyq tasymaldaýshy, onyń ishinde týristik baǵyttar da óz qyzmetin bastaidy. Vokzaldar, HQKO-lar, sondai-aq bilim berý uiymdary, ashanalar, monshalar, sporttyq-saýyqtyrý ortalyqtary men sulýlyq salondary shekteýsiz jumys istei bastaidy.
Eske salaiyq, 18 qarashadan beri Almaty qalasy koronavirýstyń taralýy boiynsha «jasyl» aimaqta tur.
