Politseiler Almatyda bólshektelgen denesi tabylǵan er adamnyń esimin anyqtady, - dep habarlaidy "Ult aqparat" kaz.tengrinews.kz portalyna silteme jasap.
Quqyq qorǵaý organdary qaza bolǵan adamnyń esimin jariialaǵan joq. Málimetter jaqyn arada tolyqtyrylady dep kútiledi. Sonymen qatar, er adamdy óltirdi delingen azamattyń kim ekeni anyqtalǵan. QR IIM resmi ókili Almas Sádýbaevtyń aitýynsha, er adamnyń máiitiniń tabylýyna bailanysty sotqa deiingi tergeý jumystary QR qylmystyq Kodeksiniń 99-baby ("Adam óltirý") boiynsha júrgizilip jatyr. Politsiia qyzmetkerleri qylmys bolǵan páterdi de anyqtaǵan.
Aita keteiik, osyǵan deiin Abylai han jáne Raiymbek dańǵyldarynyń qiylysynda ornalasqan úidiń aýlasyndaǵy qoqys jáshiginde er adamnyń dene múshelerin tapqany jaily aitylǵan edi. Aldyn ala málimet boiynsha, adamnyń qaldyqtary - basy jáne qoly. Ol konteinerdiń ishindegi múshelerdi qoqys jáshikterin qarap júrgen úisiz adam kórgen. Politseiler tergeý jumystaryn júrgizip jatyr, kýágerlerdi surastyryp jatyr. Oqiǵa ornyna qalalyq IID-niń basshysy Serik Kúdebaev keldi. Sondai-aq oqiǵa ornynda prokýrorlar da jumys jasap jatyr.
