Almatyda tańǵy saǵat 10.00-de birneshe aýdanda atys boldy. Kaz.tengrinews.kz tilshisi bolǵan oqiǵanyń hronologiiasyn jasady.
10.15. Almaly aýdandyq IIB mańy qorshaýǵa alynǵany týraly alǵashqy habarlama kelip tústi. Nikolskii bazarynyń aýmaǵynda atys bolǵan. Bul jerde aýdandyq politsiia basqarmasy ornalasqan. Sonymen qatar, kýágerler kórshi ǵimarattardaǵy adamdardy keńselerinen shyǵarmai otyrǵanyn aitty. Sondai-aq, quqyq qorǵaý organdarynyń jeti qyzmetkeri jansaqtaý bóliminde jatqany týraly aqparat pen jedel járdem qyzmetkerlerin qarýlanǵan toptyń qorshaýǵa alǵany habarlandy.
Kýágerlerdiń aitýynsha, belgisiz er adam avtomatpen Qarasai batyr kóshesinen Baitursynov kóshesine júgirip ótken. Keiinnen onyń artynan politseiler qýyp bardy.
Keiinirek UQK Departamentiniń ǵimaraty qorshaýǵa alynǵany týraly habarlama tústi. Kýágerlerdiń aitýynsha, jedel járdem men politsiia ǵimarat aldyna kelip turǵan, jaraqat alǵandar týraly aityldy.
Saǵat shamamen 11.15-te Abylai han kóshesi Tóle bi kóshesinen tómen jaqta kúdiktilerdiń biri ustaldy.
11.30. Qaladaǵy barlyq qarý-jaraq dúkeni jabyldy.
Politsiiadaǵylar antiterroristik operatsiia ótip jatqandyqtan almatylyqtardan úiden shyqpaýdy surady.
12.20. Qalada antiterroristik qaýiptiń qyzyl deńgeii engizildi.
12.37. Almaty-1 vokzaly qorshaýǵa alynǵany týraly aqparat kelip tústi.
13.20. Almaty politseileri qaza tapqandardyń ishinde politseilerdiń bar ekenin rastady. IID málimetinshe, politseilerge oq atqan qylmyskerlerdiń bireýi ustalyp, ekinshisi izdestirilip jatyr.
13.44. Almaty áýejaiy shtat rejiminde jumys istedi. Qaýipsizdik sharalar kúsheitildi.
13.53. QR IIM ókilderi Almatyda atys kezinde beibit turǵynnyń qaza tapqanyn rastady.
18 shildede saǵat 11-de Almatyda qalasynyń IID Almaly aýdandyq IIB-na shabýyl jasalmaqshy bolǵan ýaqytta posttaǵy politsei oq jaraqatyn alǵan bolatyn. Al ony atqan qylmysker politseidiń avtomatty qarýyn alyp, oqiǵa ornynan ketip qalǵan.
«Qylmyskerdi qýý kezinde onyń «Boran» politsiia ekipajynan urlap alǵan qarýy bolǵan. Saldarynan patrýldik ekipajdyń eki qyzmetkeri oq jaraqatyn aldy. Keiinirek «Qazaqkontsert» AQ aýmaǵynda politsiia qyzmetkerleri kúdiktini ustady. Onyń kim ekeni anyqtaldy», — dedi QR IIM baspasóz qyzmetindegiler.
Aita keteiik, qylmyskerdi ustaý kezinde 2 politsiia qyzmetkeri oq jaraqatyn aldy.
«Ókinishke qarai, osyǵan deiin qylmysker qala turǵynyń jeńil kóligin tartyp almaq bolǵan. Saldarynan kólik júrgizýshisi jaraqat alyp, oqiǵa ornynda qaza tapty. Sonymen qatar, aýrýhanaǵa barar jolda úsh politsiia qyzmetkeri qaitys boldy», — dedi QR IIM baspasóz qyzmetindegiler. Aita keteiik, politsiianyń barlyq qyzmetkeri ustalǵan qylmyskerdiń sybailasyn izdestirýge baǵyt-baǵdar berdi.
14.00. Qaladaǵy iri bank bólimsheleri jabyldy.
14.17. Qazaqstan men Qyrǵyzstan shekarasynda atystan keiin kúzet qyzmeti kúsheitildi.
14.19. «Juldyz» yqshamaýdanynda shabýyl jasaldy delingen qaýeset rastalmady. Ol týraly Almaty qalalyq terrorizmge qarsy kúres jónindegi jedel shtab habarlady. «Almaty qalalyq terrorizmge qarsy kúres jónindegi jedel shtab habarlaidy: qalanyń ár bóliginde («Juldyz» yqshamaýdany, Bostandyq aýdanyndaǵy Spa-ortalyq) shabýyl jasaldy delingen qaýeset jalǵan. Almaty qalalyq terrorizmge qarsy kúres jónindegi jedel shtab tynyshtyqta saqtap, negizsiz baibalamǵa salynbaýdy suraidy», — delingen habarlamada.
15:00 Jelide atys shyǵarǵan er adamnyń videosy jariia boldy. Kýáger 18 shildede videotirkeý kamerasyna jazylǵan videony joldady. Videodan Baizaqov kóshesimen Abai dańǵylyna qarai burylaiyn dep jatqan kólikke qarsy bir qarýly er adamnyń shyǵyp, oq atqany beinelengen. Alaida júrgizýshi ne bolǵanyn túsinbegen siiaqty. Kýágerlerdiń aitýynsha, bul qylmysker jerasty ótkeline túsip ketken. Budan keiin ne bolǵany belgisiz.
