الماتىدا تاڭعى ساعات 10.00-دە بٸرنەشە اۋداندا اتىس بولدى. Kaz.tengrinews.kz تٸلشٸسٸ بولعان وقيعانىڭ حرونولوگيياسىن جاسادى.
10.15. المالى اۋداندىق ٸٸب ماڭى قورشاۋعا الىنعانى تۋرالى العاشقى حابارلاما كەلٸپ تٷستٸ. نيكولسكيي بازارىنىڭ اۋماعىندا اتىس بولعان. بۇل جەردە اۋداندىق پوليتسييا باسقارماسى ورنالاسقان. سونىمەن قاتار, كۋەگەرلەر كٶرشٸ عيماراتتارداعى ادامداردى كەڭسەلەرٸنەن شىعارماي وتىرعانىن ايتتى. سونداي-اق, قۇقىق قورعاۋ ورگاندارىنىڭ جەتٸ قىزمەتكەرٸ جانساقتاۋ بٶلٸمٸندە جاتقانى تۋرالى اقپارات پەن جەدەل جەردەم قىزمەتكەرلەرٸن قارۋلانعان توپتىڭ قورشاۋعا العانى حابارلاندى.
كۋەگەرلەردٸڭ ايتۋىنشا, بەلگٸسٸز ەر ادام اۆتوماتپەن قاراساي باتىر كٶشەسٸنەن بايتۇرسىنوۆ كٶشەسٸنە جٷگٸرٸپ ٶتكەن. كەيٸننەن ونىڭ ارتىنان پوليتسەيلەر قۋىپ باردى.
كەيٸنٸرەك ۇقك دەپارتامەنتٸنٸڭ عيماراتى قورشاۋعا الىنعانى تۋرالى حابارلاما تٷستٸ. كۋەگەرلەردٸڭ ايتۋىنشا, جەدەل جەردەم مەن پوليتسييا عيمارات الدىنا كەلٸپ تۇرعان, جاراقات العاندار تۋرالى ايتىلدى.
ساعات شامامەن 11.15-تە ابىلاي حان كٶشەسٸ تٶلە بي كٶشەسٸنەن تٶمەن جاقتا كٷدٸكتٸلەردٸڭ بٸرٸ ۇستالدى.
11.30. قالاداعى بارلىق قارۋ-جاراق دٷكەنٸ جابىلدى.
پوليتسيياداعىلار انتيتەرروريستٸك وپەراتسييا ٶتٸپ جاتقاندىقتان الماتىلىقتاردان ٷيدەن شىقپاۋدى سۇرادى.
12.20. قالادا انتيتەرروريستٸك قاۋٸپتٸڭ قىزىل دەڭگەيٸ ەنگٸزٸلدٸ.
12.37. الماتى-1 ۆوكزالى قورشاۋعا الىنعانى تۋرالى اقپارات كەلٸپ تٷستٸ.
13.20. الماتى پوليتسەيلەرٸ قازا تاپقانداردىڭ ٸشٸندە پوليتسەيلەردٸڭ بار ەكەنٸن راستادى. ٸٸد مەلٸمەتٸنشە, پوليتسەيلەرگە وق اتقان قىلمىسكەرلەردٸڭ بٸرەۋٸ ۇستالىپ, ەكٸنشٸسٸ ٸزدەستٸرٸلٸپ جاتىر.
13.44. الماتى ەۋەجايى شتات رەجيمٸندە جۇمىس ٸستەدٸ. قاۋٸپسٸزدٸك شارالار كٷشەيتٸلدٸ.
13.53. قر ٸٸم ٶكٸلدەرٸ الماتىدا اتىس كەزٸندە بەيبٸت تۇرعىننىڭ قازا تاپقانىن راستادى.
18 شٸلدەدە ساعات 11-دە الماتىدا قالاسىنىڭ ٸٸد المالى اۋداندىق ٸٸب-نا شابۋىل جاسالماقشى بولعان ۋاقىتتا پوستتاعى پوليتسەي وق جاراقاتىن العان بولاتىن. ال ونى اتقان قىلمىسكەر پوليتسەيدٸڭ اۆتوماتتى قارۋىن الىپ, وقيعا ورنىنان كەتٸپ قالعان.
«قىلمىسكەردٸ قۋۋ كەزٸندە ونىڭ «بوران» پوليتسييا ەكيپاجىنان ۇرلاپ العان قارۋى بولعان. سالدارىنان پاترۋلدٸك ەكيپاجدىڭ ەكٸ قىزمەتكەرٸ وق جاراقاتىن الدى. كەيٸنٸرەك «قازاقكونتسەرت» اق اۋماعىندا پوليتسييا قىزمەتكەرلەرٸ كٷدٸكتٸنٸ ۇستادى. ونىڭ كٸم ەكەنٸ انىقتالدى», — دەدٸ قر ٸٸم باسپاسٶز قىزمەتٸندەگٸلەر.
ايتا كەتەيٸك, قىلمىسكەردٸ ۇستاۋ كەزٸندە 2 پوليتسييا قىزمەتكەرٸ وق جاراقاتىن الدى.
«ٶكٸنٸشكە قاراي, وسىعان دەيٸن قىلمىسكەر قالا تۇرعىنىڭ جەڭٸل كٶلٸگٸن تارتىپ الماق بولعان. سالدارىنان كٶلٸك جٷرگٸزۋشٸسٸ جاراقات الىپ, وقيعا ورنىندا قازا تاپتى. سونىمەن قاتار, اۋرۋحاناعا بارار جولدا ٷش پوليتسييا قىزمەتكەرٸ قايتىس بولدى», — دەدٸ قر ٸٸم باسپاسٶز قىزمەتٸندەگٸلەر. ايتا كەتەيٸك, پوليتسييانىڭ بارلىق قىزمەتكەرٸ ۇستالعان قىلمىسكەردٸڭ سىبايلاسىن ٸزدەستٸرۋگە باعىت-باعدار بەردٸ.
14.00. قالاداعى ٸرٸ بانك بٶلٸمشەلەرٸ جابىلدى.
14.17. قازاقستان مەن قىرعىزستان شەكاراسىندا اتىستان كەيٸن كٷزەت قىزمەتٸ كٷشەيتٸلدٸ.
14.19. «جۇلدىز» ىقشاماۋدانىندا شابۋىل جاسالدى دەلٸنگەن قاۋەسەت راستالمادى. ول تۋرالى الماتى قالالىق تەرروريزمگە قارسى كٷرەس جٶنٸندەگٸ جەدەل شتاب حابارلادى. «الماتى قالالىق تەرروريزمگە قارسى كٷرەس جٶنٸندەگٸ جەدەل شتاب حابارلايدى: قالانىڭ ەر بٶلٸگٸندە («جۇلدىز» ىقشاماۋدانى, بوستاندىق اۋدانىنداعى Spa-ورتالىق) شابۋىل جاسالدى دەلٸنگەن قاۋەسەت جالعان. الماتى قالالىق تەرروريزمگە قارسى كٷرەس جٶنٸندەگٸ جەدەل شتاب تىنىشتىقتا ساقتاپ, نەگٸزسٸز بايبالامعا سالىنباۋدى سۇرايدى», — دەلٸنگەن حابارلامادا.
15:00 جەلٸدە اتىس شىعارعان ەر ادامنىڭ ۆيدەوسى جارييا بولدى. كۋەگەر 18 شٸلدەدە ۆيدەوتٸركەۋ كامەراسىنا جازىلعان ۆيدەونى جولدادى. ۆيدەودان بايزاقوۆ كٶشەسٸمەن اباي داڭعىلىنا قاراي بۇرىلايىن دەپ جاتقان كٶلٸككە قارسى بٸر قارۋلى ەر ادامنىڭ شىعىپ, وق اتقانى بەينەلەنگەن. الايدا جٷرگٸزۋشٸ نە بولعانىن تٷسٸنبەگەن سيياقتى. كۋەگەرلەردٸڭ ايتۋىنشا, بۇل قىلمىسكەر جەراستى ٶتكەلٸنە تٷسٸپ كەتكەن. بۇدان كەيٸن نە بولعانى بەلگٸسٸز.
