InterContinental Almaty qonaq úiinde bokstan Tokio-2020 Olimpiadasynyń júldegerlerine aqshalai syiaqy tabys etildi, dep habarlaidy "Ult aqparat".
Qazaqstan boks federatsiiasynyń prezidenti Keńes Raqyshev Olimpiadanyń qola júldegeri Sáken Bibosynov pen Qamshybek Qońqabaevqa 50 000 AQSh dollary, Qazaqstan ulttyq quramasynyń jattyqtyrýshysy - Myrzaǵali Aitjanov pen Seiitjan Tókenovke 10 000 AQSh dollary kólemindegi aqshalai sertifikat tabystady.
Sonymen qatar, quramanyń bapkerleri men Olimpiada qatysýshylary da nazardan tys qalǵan joq. Atap aitqanda, bokstan Qazaqstan ulttyq quramasynyń bas bapkeri Ǵalymbek Kenjebaev, bokstan Qazaqstan ulttyq quramasynyń jattyqtyrýshysy - Marat Jaqiev, Nurlan Aqúrpekov, Marat Manashev, Roman Minichkin, Olimpiadaǵa qatysqan boksshy Serik Temirjanov baǵaly syilyqtarmen marapattaldy.
«Ulttyq quramanyń kapitany retinde maǵan úlken jaýapkershilik júkteldi. Elime altyn altyn alyp beremin dep oilaǵanmyn. Biraq, biz oilaǵandai bola bermeidi. Jalpy, biylǵy Olimpiada ádil ótti. Búgin alǵan qarajatty qaiyrymdylyq qoryna jumsaimyn. Olimpiadada baiqaǵanym, buryn da kezdesken qarsylastarym jeńis úshin janyn berýge daiyn eken. Aldaǵy ýaqytta jibergen qatelikterimdi túzetem. Alda áli talai kók týymyzdy Olimpiada tórinde asqaqtamyz dep aita alamyn», - dedi boksshy Qamshybek Qońqabaev.
«Elime altyn ala almaǵanym úshin ókindim. Tipti kózime de jas keldi. Aldysyzda úlken maqsattar bar, 2024 jyly Parijde ótetin Olimpiadada altyn alýǵa barymdy salamyn. Kásipqoi bokspen ainalysý áli oida joq. Ony keiin kóre jatarmyn. Búgingi qarajattyn qaiyrymdylyq qoryna jumsaimyn», - dedi boksshy Sáken Bibosynov.
