InterContinental Almaty قوناق ٷيٸندە بوكستان توكيو-2020 وليمپياداسىنىڭ جٷلدەگەرلەرٸنە اقشالاي سىياقى تابىس ەتٸلدٸ, دەپ حابارلايدى "ۇلت اقپارات".
قازاقستان بوكس فەدەراتسيياسىنىڭ پرەزيدەنتٸ كەڭەس راقىشەۆ وليمپيادانىڭ قولا جٷلدەگەرٸ سەكەن بيبوسىنوۆ پەن قامشىبەك قوڭقاباەۆقا 50 000 اقش دوللارى, قازاقستان ۇلتتىق قۇراماسىنىڭ جاتتىقتىرۋشىسى - مىرزاعالي ايتجانوۆ پەن سەيٸتجان تٶكەنوۆكە 10 000 اقش دوللارى كٶلەمٸندەگٸ اقشالاي سەرتيفيكات تابىستادى.
سونىمەن قاتار, قۇرامانىڭ باپكەرلەرٸ مەن وليمپيادا قاتىسۋشىلارى دا نازاردان تىس قالعان جوق. اتاپ ايتقاندا, بوكستان قازاقستان ۇلتتىق قۇراماسىنىڭ باس باپكەرٸ عالىمبەك كەنجەباەۆ, بوكستان قازاقستان ۇلتتىق قۇراماسىنىڭ جاتتىقتىرۋشىسى - مارات جاقيەۆ, نۇرلان اقٷرپەكوۆ, مارات ماناشەۆ, رومان مينيچكين, وليمپياداعا قاتىسقان بوكسشى سەرٸك تەمٸرجانوۆ باعالى سىيلىقتارمەن ماراپاتتالدى.
«ۇلتتىق قۇرامانىڭ كاپيتانى رەتٸندە ماعان ٷلكەن جاۋاپكەرشٸلٸك جٷكتەلدٸ. ەلٸمە التىن التىن الىپ بەرەمٸن دەپ ويلاعانمىن. بٸراق, بٸز ويلاعانداي بولا بەرمەيدٸ. جالپى, بيىلعى وليمپيادا ەدٸل ٶتتٸ. بٷگٸن العان قاراجاتتى قايىرىمدىلىق قورىنا جۇمسايمىن. وليمپيادادا بايقاعانىم, بۇرىن دا كەزدەسكەن قارسىلاستارىم جەڭٸس ٷشٸن جانىن بەرۋگە دايىن ەكەن. الداعى ۋاقىتتا جٸبەرگەن قاتەلٸكتەرٸمدٸ تٷزەتەم. الدا ەلٸ تالاي كٶك تۋىمىزدى وليمپيادا تٶرٸندە اسقاقتامىز دەپ ايتا الامىن», - دەدٸ بوكسشى قامشىبەك قوڭقاباەۆ.
«ەلٸمە التىن الا الماعانىم ٷشٸن ٶكٸندٸم. تٸپتٸ كٶزٸمە دە جاس كەلدٸ. الدىسىزدا ٷلكەن ماقساتتار بار, 2024 جىلى پاريجدە ٶتەتٸن وليمپيادادا التىن الۋعا بارىمدى سالامىن. كەسٸپقوي بوكسپەن اينالىسۋ ەلٸ ويدا جوق. ونى كەيٸن كٶرە جاتارمىن. بٷگٸنگٸ قاراجاتتىن قايىرىمدىلىق قورىنا جۇمسايمىن», - دەدٸ بوكسشى سەكەن بيبوسىنوۆ.
