Almatyda BMW X5 avtokóligi elektr baǵanasyn soǵyp qulatty, dep habarlaidy "Ult aqparat".
Jol apatynyń videosy áleýmettik jelide tarady.
Almaty qalalyq Politsiia departamentiniń málimetinshe, apat Naýai men Toqtabaev kósheleriniń qiylysynda boldy.
«Búgin tańerteń saǵat 10:35- ter shamasynda Naýai kóshesimen soltústik baǵytta kele jatqan «Toyota Land Cruiser» kóligininiń júrgizýshisi Toqtabaev kóshesimen batysqa qarai burylǵan kezde «BMW X5» kóligimen soqtyǵysty. Qatty soqqydan ol elektr baǵanasyna soǵylyp, aryqqa túsip ketti», - deidi Almaty qalasy PD tergeý basqarmasynyń bastyǵy Oljas Sháripov.
Qulaǵan baǵanalardyń biri «Toyota Land Cruiser» kóligin basyp qaldy. Abyroi bolǵanda, eshkim zardap shekken joq, adamdar aman-esen. Qazir jol apatynyń mán-jaiy anyqtalyp jatyr.
