Almatyda tanymal kásipker, Parmigiano Group basshysy Almas Ábdiǵapparov qamaýǵa alyndy. Aqparatty 27 shildede tańerteń Almaty qalalyq soty rastady, - dep habarlaidy "Ult aqparat" Tengrinews.kz agenttigine siltem jasap.
Qalalyq sot baspasóz qyzmetiniń málimetinshe, kásipker eki ai merzimge qamaýǵa alynǵan. Oǵan 189-baptyń 4-bóligi 2-tarmaǵynda kózdelgen "Asa iri mólsherde senip tapsyrylǵan bóten múlikti iemdenip alý nemese ysyrap etý" boiynsha aiyp taǵylǵan.
Aita keteiik, 26 shildede keshke biznesmenniń jubaiy Olga Ábdiǵapparova advokatpen birge arnaiy baspasóz konferentsiiasyn uiymdastyrdy. Ol kúieýi qamaýǵa alynǵanǵa deiin bolǵan oqiǵalardyń egjei-tegjeiin aityp berdi.
"Bári Almas ekeýmiz demalysqa ushqannan keiin bastaldy. Ushaq qonǵan kezde Almas Ábdiǵapparov "Ava konstrakshen" kompaniiasynan jumystan shyǵaryldy. Osydan keiin meniń kompaniiamda ruqsatsyz jaryqty sóndirdi... Biz turǵan úide de, tipti túnde jaryq bolmady. Jalpy, óte tańǵalarlyq jaǵdailar boldy. Senbide tústen keiin (24 shilde) Almas ustaldy. Biz ekeýmiz kólikte bolǵanbyz", - dedi áieli.
