الماتىدا تانىمال كەسٸپكەر, Parmigiano Group باسشىسى الماس ەبدٸعاپپاروۆ قاماۋعا الىندى. اقپاراتتى 27 شٸلدەدە تاڭەرتەڭ الماتى قالالىق سوتى راستادى, - دەپ حابارلايدى "ۇلت اقپارات" Tengrinews.kz اگەنتتٸگٸنە سٸلتەم جاساپ.
قالالىق سوت باسپاسٶز قىزمەتٸنٸڭ مەلٸمەتٸنشە, كەسٸپكەر ەكٸ اي مەرزٸمگە قاماۋعا الىنعان. وعان 189-باپتىڭ 4-بٶلٸگٸ 2-تارماعىندا كٶزدەلگەن "اسا ٸرٸ مٶلشەردە سەنٸپ تاپسىرىلعان بٶتەن مٷلٸكتٸ يەمدەنٸپ الۋ نەمەسە ىسىراپ ەتۋ" بويىنشا ايىپ تاعىلعان.
ايتا كەتەيٸك, 26 شٸلدەدە كەشكە بيزنەسمەننٸڭ جۇبايى ولگا ەبدٸعاپپاروۆا ادۆوكاتپەن بٸرگە ارنايى باسپاسٶز كونفەرەنتسيياسىن ۇيىمداستىردى. ول كٷيەۋٸ قاماۋعا الىنعانعا دەيٸن بولعان وقيعالاردىڭ ەگجەي-تەگجەيٸن ايتىپ بەردٸ.
"بەرٸ الماس ەكەۋمٸز دەمالىسقا ۇشقاننان كەيٸن باستالدى. ۇشاق قونعان كەزدە الماس ەبدٸعاپپاروۆ "اۆا كونستراكشەن" كومپانيياسىنان جۇمىستان شىعارىلدى. وسىدان كەيٸن مەنٸڭ كومپانييامدا رۇقساتسىز جارىقتى سٶندٸردٸ... بٸز تۇرعان ٷيدە دە, تٸپتٸ تٷندە جارىق بولمادى. جالپى, ٶتە تاڭعالارلىق جاعدايلار بولدى. سەنبٸدە تٷستەن كەيٸن (24 شٸلدە) الماس ۇستالدى. بٸز ەكەۋمٸز كٶلٸكتە بولعانبىز", - دەدٸ ەيەلٸ.
