Almatyda binesi zardap shekken kásipkerlerdiń maquldanǵan ótinimderi kún saiyn artyp keledi, dep habarlaidy QazAqparat.
Almatyda shaǵyn jáne orta biznes sýbektilerine múliktik ziiandy anyqtaý jónindegi Aimaqtyq komissiianyń búgingi otyrysynda kásipkerlerdiń jalpy somasy 122,2 mln teńgege 56 ótinimi maquldandy. Onyń ishinde 66,9 mln teńge somasyna 30 ótinim biýdjet qarajaty esebinen, «Jańa Alataý» qaiyrymdylyq qorynyń qarjysynan 55,3 mln teńgege 26 ótinim tólendi. Bul týraly Almaty qalasynyń kásipkerlik jáne investitsiialar basqarmasynda málim etti.
«Almaty qalasy boiynsha komissiia jumysyn bastalǵaly beri barlyǵy 1118,6 mln teńge somaǵa 601 ótinim maquldandy», - dep habarlady basqarmada.
Jalpy, Almatyda kásipkerlerdiń maquldanǵan ótinimderi kún saiyn artyp kele jatqanyn baiqaýǵa bolady. Sebebi, osydan eki kún buryn Almatyda biznesi zardap shekken 545 kásipkerdiń ótinishi maquldanǵan edi. Al búginde 600-den asty.
