Almatyda biznes sýbektileriniń múliktik zalaldaryn anyqtaý jónindegi Óńirlik komissiia kásipkerlerdiń 351,5 mln. teńge jalpy somasyndaǵy 183 ótinishin maquldady, dep habarlaidy QazAqparat.
Atalmysh ótinishterdiń ishinde, 218,7 mln. teńge somasyndaǵy 111 ótinish biýdjet qarajaty, 132,8 mln. teńge somasyndaǵy 72 ótinish «Jańa Alataý» qaiyrymdylyq qory qarajaty esebinen qarjylandyrylatyn bolady.
Aita keteiik, komissiia jumysynyń barlyq kezeńiniń ishinde, 996,4 mln. teńge somasyndaǵy 545 ótinish maquldandy. Onyń ishinde, 431,1 mln. teńge somasyndaǵy 251 ótinish biýdjet qarajaty, 565,3 mln. teńge somasyndaǵy 294 ótinish «Jańa Alataý» qaiyrymdylyq qory qarajaty esebinen qarjylandyrylady.
Qazirgi ýaqytta zardap shekken shaǵyn jáne orta biznes sýbektilerinen ótinishter kelip jatyr, Info Kazakhstan saityna Almaty qalasynyń barlyǵy 2 myńǵa jýyq kásipkerlerinen ótinish kelip tústi.
