Biyl raktan emdelgen naýqastardyń sany 13 256, bul ótken jylmen salystyrǵanda úsh myńǵa kóp. Bul týraly brifing barysynda Almaty qalasy onkologiialyq ortalyǵynyń direktory Nursultan Izbaǵambetov aitty, dep habarlaidy QazAqparat.
«Biyl emdelgen patsientterdiń sany 13 256 adam, bul ótken jylmen salystyrǵanda úsh myńǵa kóp. 2 myńnan astam kúrdeli operatsiia jasaldy. Skrining jáne onkologiialyq naýqastardy erte diagnostikalaý, sondai-aq emdeýmen 100 paiyz qamtýdyń arqasynda qaterli isikten bolatyn ólim-jitim kórsetkishi 10,6%-ǵa tómendedi», - deidi ol.
Spikerdiń sózinshe, qazir júrgizilip jatqan skriningter óte mańyzdy ról atqarady. Mysaly, tekserýdiń arqasynda 148 obyr jaǵdaiy jáne 9 304 obyr erte kezeńde anyqtalǵan.
«Bul jerde qaterli isik aýrýynyń 90%-y syrqattyń 1-2 satysynda skrining arqyly anyqtalǵan. Árine, mundai jaǵdailarda emdeý tiimdirek jáne tolyq emdeýge qol jetkizýge bolady. Sondyqtan skriningten ótý mańyzdy. Ol diagnostikalaýǵa múmkindik beredi isik erte satysynda bolýy emdeledi. Keiingi kezeńderde emdeý kúrdelene túsedi jáne boljam nasharlaidy», - deidi Nursultan Izbaǵambetov.
Sonymen qatar, ol kúrdeli epidemiologiialyq jaǵdaiǵa qaramastan, árbir naýqasty emdeý barlyq ereje boiynsha júrgizilgenin tilge tiek etti.
«Eger onkologiialyq naýqas koronavirýs juqtyrsa, onda aldymen osy dertke emdeý júrgiziledi. Naýqas emdelip shyqqan soń onkologiialyq ortalyqta em alady», - dep atap ótti onkologiialyq ortalyqtyń direktory.
Sondai-aq onkolog dárigerler patsientterge úide kómek kórsetetinin, biyl mobildi brigada 3 436 shuǵyl shaqyrtýǵa shyqqanyn aitty.
«Búginde elimizdiń basqa óńirlerinen kelgen 560 onkologiialyq naýqas Almatyda tirkelgen, bul ótken jyldan eki ese kóp. Demek, árbir besinshi patsient qaraýsyz qalǵan», - deidi ol.
Aýrýdy asqyndyryp almaý úshin onkolog turǵyndarǵa emhanalarda tegin skriningten ótýge, jyl saiyn fliýorografiia kabinetine jáne qaraityn bólmege barýǵa, densaýlyǵyn baqylaýǵa alýǵa shaqyrdy.
