Almaty jastarynyń tiimdi shart boiynsha turǵyn úi alýǵa múmkindigi arta tústi, dep habarlaidy "Ult aqparat".
Búginen bastap «Almaty jastary» baǵdarlamasy iske qosyldy. Turǵyn úi baǵdarlamasyna qatysýshylar ótinimderin 30 naýryzǵa deiingi aralyqta www.almaty-zhastary.kz saitynda onlain rejimde bere alady. Bul úshin olarǵa elektrondyq sandyq qoltańba (ESQ) kerek.
Almaty qalasy ákimdigi men Turǵyn úi qurylys jinaq bankiniń birlesken jobasyna 35 jasqa deiingi almatylyqtar qatysa alady. Ótinimder Almaty qalasyndaǵy memlekettik qalalyq jáne respýblikalyq uiymdarda qyzmet etetin kelesi azamattardan qabyldanady: dárigerler men medbikeler; pedagogtar men tárbieshiler; ártister, jazýshylar, mádeniet salasynyń qyzmetkerleri; bapkerler men sportshylar; JOO men ǵylymi institýttardyń oqytýshylary men ǵylymi qyzmetkerleri; áleýmettik sala qyzmetkerleri; óndiristik qyzmetpen ainalysatyn BAQ qyzmetkerleri men jýrnalister (memlekettik jáne kommertsiialyq).
«Almaty jastaryna» qatysýshylardyń resmi jumys ótili sońǵy alty aidan kem bolmaýy tiis. Ózin-ózi jumyspen qamtyǵan mádeniet salasynyń ókilderi úshin keminde jarty jyl boiy Almaty qalasynda tirkelgen jáne qyzmet kórsetetin jeke kásipkerliktiń bolýy mindetti.
«Almaty jastary» baǵdarlamasy qala ákimdigimen birlesken jemisti jumystyń kórnekti mysaly. Qalalyq turǵyn úi baǵdarlamasy alǵash ret 2017 jyly bastalyp, úlken suranysqa ie boldy. Eki jyl ishinde osy joba aiasynda 1 383 ótinim qabyldandy. Biz qalalyq bilik ókilderimen 2,2 mlrd teńge somasyna qalanyń 240 jas turǵynyn baspanamen qamtamasyz ettik. Biyl baǵdarlamanyń júzege asyrylýyna qalalyq biýdjetten 10 mlrd teńge jáne Turǵyn úi qurylys jinaq bankiniń biýdjetinen 3 mlrd teńge bólinedi. Bul qarajat 1 000 almatylyq turǵynnyń baspana máselesin sheshýge múmkindik beredi, - dep atap ótti Turǵyn úi qurylys jinaq bankiniń Basqarma tóraiymy Lázzat Ibragimova.
Ótinish qabyldaý merzimi aiaqtalǵan soń qatysýshylardy irikteý bastalady.
Almaty qalasynyń turǵyn úi basqarmasy 20 jumys kúni ishinde úmitkerler tizimimen qosa, olardyń ótkizgen qujattarynyń durystyǵyn tekserip, jinaǵan ball sanyna qarai baǵdarlamaǵa qatysýshylardy tańdaityn bolady. Oǵan nekede qansha jyl turǵandyǵy, balalarynyń bar ekendigi, kategoriia boiynsha úzdiksiz jumys ótiliniń merzimi, halyqtyń áleýmettik-álsiz tobyna jatatyndyǵy áser etedi. Pýl qurylǵannan keiin, qatysýshylardyń barlyǵyna Turǵyn úi qurylys jinaq bankinde nesie rásimdeý úshin joldama beriledi. Bul joldama 15 jumys kúni ishinde jaramdy. Turǵyn úidi izdep-tabýǵa bank eki ai ýaqyt beredi. Páterdi jańa jáne qoldanystaǵy úiden alýǵa bolady.
Ony satyp alý úshin Turǵyn úi qurylys jinaq banki 13 mln teńge kóleminde maksimaldy somany nesiege beredi. Bastapqy jarna keminde 10%-dy quraýy tiis. Nesie boiynsha paiyzdyq mólsherleme - jyldyq 5%.
Máselen, quny 13 mln teńgelik páterdi satyp alar kezde zaim boiynsha tólem alǵashqy 8 jylda 101 967 teńgeni, al qalǵan 11 jyl ishinde azaiyp, 54 100 teńgege teń bolady.
