الماتى جاستارىنىڭ تيٸمدٸ شارت بويىنشا تۇرعىن ٷي الۋعا مٷمكٸندٸگٸ ارتا تٷستٸ, دەپ حابارلايدى "ۇلت اقپارات".
بٷگٸنەن باستاپ «الماتى جاستارى» باعدارلاماسى ٸسكە قوسىلدى. تۇرعىن ٷي باعدارلاماسىنا قاتىسۋشىلار ٶتٸنٸمدەرٸن 30 ناۋرىزعا دەيٸنگٸ ارالىقتا www.almaty-zhastary.kz سايتىندا ونلاين رەجيمدە بەرە الادى. بۇل ٷشٸن ولارعا ەلەكتروندىق ساندىق قولتاڭبا (ەسق) كەرەك.
الماتى قالاسى ەكٸمدٸگٸ مەن تۇرعىن ٷي قۇرىلىس جيناق بانكٸنٸڭ بٸرلەسكەن جوباسىنا 35 جاسقا دەيٸنگٸ الماتىلىقتار قاتىسا الادى. ٶتٸنٸمدەر الماتى قالاسىنداعى مەملەكەتتٸك قالالىق جەنە رەسپۋبليكالىق ۇيىمداردا قىزمەت ەتەتٸن كەلەسٸ ازاماتتاردان قابىلدانادى: دەرٸگەرلەر مەن مەدبيكەلەر; پەداگوگتار مەن تەربيەشٸلەر; ەرتٸستەر, جازۋشىلار, مەدەنيەت سالاسىنىڭ قىزمەتكەرلەرٸ; باپكەرلەر مەن سپورتشىلار; جوو مەن عىلىمي ينستيتۋتتاردىڭ وقىتۋشىلارى مەن عىلىمي قىزمەتكەرلەرٸ; ەلەۋمەتتٸك سالا قىزمەتكەرلەرٸ; ٶندٸرٸستٸك قىزمەتپەن اينالىساتىن باق قىزمەتكەرلەرٸ مەن جۋرناليستەر (مەملەكەتتٸك جەنە كوممەرتسييالىق).
«الماتى جاستارىنا» قاتىسۋشىلاردىڭ رەسمي جۇمىس ٶتٸلٸ سوڭعى التى ايدان كەم بولماۋى تيٸس. ٶزٸن-ٶزٸ جۇمىسپەن قامتىعان مەدەنيەت سالاسىنىڭ ٶكٸلدەرٸ ٷشٸن كەمٸندە جارتى جىل بويى الماتى قالاسىندا تٸركەلگەن جەنە قىزمەت كٶرسەتەتٸن جەكە كەسٸپكەرلٸكتٸڭ بولۋى مٸندەتتٸ.
«الماتى جاستارى» باعدارلاماسى قالا ەكٸمدٸگٸمەن بٸرلەسكەن جەمٸستٸ جۇمىستىڭ كٶرنەكتٸ مىسالى. قالالىق تۇرعىن ٷي باعدارلاماسى العاش رەت 2017 جىلى باستالىپ, ٷلكەن سۇرانىسقا يە بولدى. ەكٸ جىل ٸشٸندە وسى جوبا اياسىندا 1 383 ٶتٸنٸم قابىلداندى. بٸز قالالىق بيلٸك ٶكٸلدەرٸمەن 2,2 ملرد تەڭگە سوماسىنا قالانىڭ 240 جاس تۇرعىنىن باسپانامەن قامتاماسىز ەتتٸك. بيىل باعدارلامانىڭ جٷزەگە اسىرىلۋىنا قالالىق بيۋدجەتتەن 10 ملرد تەڭگە جەنە تۇرعىن ٷي قۇرىلىس جيناق بانكٸنٸڭ بيۋدجەتٸنەن 3 ملرد تەڭگە بٶلٸنەدٸ. بۇل قاراجات 1 000 الماتىلىق تۇرعىننىڭ باسپانا مەسەلەسٸن شەشۋگە مٷمكٸندٸك بەرەدٸ, - دەپ اتاپ ٶتتٸ تۇرعىن ٷي قۇرىلىس جيناق بانكٸنٸڭ باسقارما تٶرايىمى لەززات يبراگيموۆا.
ٶتٸنٸش قابىلداۋ مەرزٸمٸ اياقتالعان سوڭ قاتىسۋشىلاردى ٸرٸكتەۋ باستالادى.
الماتى قالاسىنىڭ تۇرعىن ٷي باسقارماسى 20 جۇمىس كٷنٸ ٸشٸندە ٷمٸتكەرلەر تٸزٸمٸمەن قوسا, ولاردىڭ ٶتكٸزگەن قۇجاتتارىنىڭ دۇرىستىعىن تەكسەرٸپ, جيناعان بالل سانىنا قاراي باعدارلاماعا قاتىسۋشىلاردى تاڭدايتىن بولادى. وعان نەكەدە قانشا جىل تۇرعاندىعى, بالالارىنىڭ بار ەكەندٸگٸ, كاتەگورييا بويىنشا ٷزدٸكسٸز جۇمىس ٶتٸلٸنٸڭ مەرزٸمٸ, حالىقتىڭ ەلەۋمەتتٸك-ەلسٸز توبىنا جاتاتىندىعى ەسەر ەتەدٸ. پۋل قۇرىلعاننان كەيٸن, قاتىسۋشىلاردىڭ بارلىعىنا تۇرعىن ٷي قۇرىلىس جيناق بانكٸندە نەسيە رەسٸمدەۋ ٷشٸن جولداما بەرٸلەدٸ. بۇل جولداما 15 جۇمىس كٷنٸ ٸشٸندە جارامدى. تۇرعىن ٷيدٸ ٸزدەپ-تابۋعا بانك ەكٸ اي ۋاقىت بەرەدٸ. پەتەردٸ جاڭا جەنە قولدانىستاعى ٷيدەن الۋعا بولادى.
ونى ساتىپ الۋ ٷشٸن تۇرعىن ٷي قۇرىلىس جيناق بانكٸ 13 ملن تەڭگە كٶلەمٸندە ماكسيمالدى سومانى نەسيەگە بەرەدٸ. باستاپقى جارنا كەمٸندە 10%-دى قۇراۋى تيٸس. نەسيە بويىنشا پايىزدىق مٶلشەرلەمە - جىلدىق 5%.
مەسەلەن, قۇنى 13 ملن تەڭگەلٸك پەتەردٸ ساتىپ الار كەزدە زايم بويىنشا تٶلەم العاشقى 8 جىلدا 101 967 تەڭگەنٸ, ال قالعان 11 جىل ٸشٸندە ازايىپ, 54 100 تەڭگەگە تەڭ بولادى.
