Amerika Qurama Shtattary Qazaqstan úkimetine Almatydan óz erkimen ketemiz degen konsýldyqtyń keibir qyzmetkerlerin, AQSh azamattaryn jáne basqa da shetel azamattaryn 12 qańtarda ýaqytsha evakýatsiialaýǵa qoldaý kórsetkeni úshin alǵys aitty, dep habarlaidy QazAqparat.
«Qazaqstan árqashan Amerika Qurama Shtattarynyń senimdi dosy bolyp qala beredi. Biz qazaqstandyqtardyń turaqtylyǵyna jáne halyqtyń bul daǵdarystan shyǵa alatynyna senemiz» delingen elshiliktiń málimdemesinde.
AQSh Memlekettik hatshysy Entoni Blinken Qazaqstannyń Syrtqy ister ministri Muhtar Tleýberdimen 6 qańtarda sóileskende aitqandai, AQSh Qazaqstannyń konstitýtsiialyq institýttaryn tolyǵymen qoldaidy.
«Jaǵdaidyń múmkindigine qarai, bizdiń qyzmetkerlerimiz Almatyǵa qaita orala alar degen oidamyz» dep málim etti AQSh elshiligi.
