Almatyda Rysqulov dańǵylynyń soltústik bóligi eki kúnge sýyq sýdan ajyratylady, dep habarlaidy "Ult aqparat".
«15-17 maýsym aralyǵynda Túrksib aýdanynda Rysqulov dańǵylynyń soltústiginde ornalasqan birneshe ǵimarat pen úiler sýyq sýdan ajyratylady. Sondai-aq, osy ýaqytta «Aisha bibi», «Atyraý», «Qairat», «Nurshashqan» shaǵynaýdandary jáne Rysqulov-Gertsen-Hmelnitskii-Aityqov-Shemiakin jáne Hmelnitskii-Gete- Bekmahanov – Mailin kósheleriniń boiyndaǵy turǵyn úiler men basqa da ǵimarattarǵa sý berilmeidi» dep habarlady «Almaty Sý» kompaniiasy.
Sonymen qatar, «Qulager» shaǵyn aýdanyndaǵy Omarov kóshesi men Aitmaýtov-Súiinbai-Osipenko-Býrýndaiskaia kóshelerindegi sýmen jabdyqtaý jelilerinde qysym tómendeýi múmkin.
Tapsyrys boiynsha densaýlyq saqtaý jáne áleýmettik nysandarǵa sý tasymaldanady.
«Sýyq sýmen jabdyqtaý qyzmetine shekteýler Qulja trassasyndaǵy sý jelilerin aýystyrý jumystarynyń ekinshi kezeńi aiasynda engizildi» dep atap ótti «Almaty Sý».
