Illiýstratsiialyq foto: badmama.com.ua
Quqyq qorǵaýshy Dina Smailova Almatydaǵy jekemenshik mektepterdiń birinde birinshi synyp oqýshysyn joǵary synyp oqýshylary birneshe kún qatarynan zorlaǵanyn aitty. Politsiia balanyń ákesi aryz jazǵanyn rastady, - dep habarlaidy Tengrinews.kz agenttigi.
"Almaty qalasy, jekemenshik mektep, synypta 12 baladan, jetinshi synyptyń úsh oqýshysy birneshe kún boiy birinshi synyp oqýshysyn sabaq kezinde dárethanada zorlaidy! Muǵalim balany jiberip, qorqynyshty eshteńeni baiqamaǵan!", - dep jazdy Smailova Facebook jelisindegi paraqshasynda.
Quqyq qorǵaýshy jazbasynda balanyń ákesi eki apta buryn bolǵan oqiǵa týraly bilip, politsiiaǵa habarlaǵanyn, biraq tergeý toqtap turǵanyn aitty.
Zorlyq-zombylyqqa qarsy "NeMolchiKZ" qorynyń negizin qalaýshy Prezidentke ashyq hat joldap, Memleket basshysynan barlyq kinálini jazalaýǵa kómektesýdi surady.
Jazba jariialanǵannan keiin Almaty qalalyq politsiia departamenti bastyǵynyń orynbasary Rýstam Ábdirahmanov oqiǵa 21 sáýirde Naýryzbai politsiia bóliminde QR Qylmystyq kodeksi 121-babynyń 4-bóligi ("Birneshe ret jasalǵan seksýaldyq sipattaǵy zorlyq-zombylyq áreketteri") boiynsha tirkelgenin habarlady. Politsiiaǵa 1968 jyly týǵan er adam júgingen.
"Qazirgi ýaqytta tiisti saraptamalar taǵaiyndaldy, qajetti tergeý áreketteri júrgizilip jatyr, solardyń nátijesi boiynsha zańdy protsessýaldyq sheshim shyǵarylady. Qylmystyq is boiynsha tergeý barysyn qadaǵalaityn protsess prokýrory taǵaiyndaldy. Tergeý jan-jaqty, tolyq jáne obektiv qaǵidattaryn qatań saqtai otyryp júrgiziledi. Qylmystyq isti tergeý barysy men nátijelerin Almaty qalasynyń politsiia departamenti baqylaýǵa aldy", - dep jazdy Rýstam Ábdirahmanov.
