Almatyda jaqynda farmatsevtikalyq jáne meditsinalyq klasterler paida bolady, dep habarlaidy "Ult aqparat".
Qala ákimdigi «Innovatsiialyq tehnologiialar parki» arnaiy ekonomikalyq aimaǵyn basqarýshy retinde «Alataý tehnoparki» JShS-ny belgiledi.
Aimaqta «Halyqaralyq aqparattyq tehnologiialar ýniversiteti» AQ 6 myń stýdentke arnalǵan jańa kampýs qurylysyn bastamaq. Qurylysta 1000 jumys orny ashylady.
S.Asfendiiarov atyndaǵy Qazaq Ulttyq meditsinalyq ýniversiteti janynan ashylatyn birikken ýniversitettik aýrýhanada 1400 tósek orny bolady.
Nysan quramyna «A.N.Syzǵanov atyndaǵy Ulttyq ǵylymi hirýrgiialyq ortalyǵy» AQ, «Onkologiia jáne radiologiia Qazaq ǵylymi zertteý institýty» AQ, «Kardiologiia jáne ishki aýrýlar ǵylymi zertteý institýty» AQ, «Pediatriia jáne balalar hirýrgiiasy ǵylymi ortalyǵy» AQ, «Akýsherlik jáne ginekologiia men perinatalogiia ǵylymi ortalyǵy» AQ, «Psihikalyq densaýlyq Respýblikalyq ǵylymi praktikalyq» RMK kiredi.
Jobany júzege asyrý barysynda 4 myńǵa jýyq adam jumyspen qamtylady.
«Sonymen qatar, S.Asfendiiarov atyndaǵy Qazaq Ulttyq meditsinalyq ýniversitetiniń 11 myń stýdentke arnalǵan jańa kampýsyn salý josparlanǵan. Joba arqyly stýdentter oqý protsesinen ajyramai otyryp praktikalyq bilim ala alady», - dedi «ITP» AEA baspasóz qyzmetinen.
Búginde birqatar investor arnaiy aimaqta zaýyt salýǵa qulyqty bolyp otyr.
1. «Viva Pharm» JShS onkologiialyq, kardiologiialyq dáriler, antibiotikter, analgetikter, vitaminder, kortikosteroidtardy óndiretin zaýyt ashady.
2. «Dolce Pharm» JShS toqylmaǵan materialdan maska, qolǵap, plastyr taǵy basqalardy óndiretin óndiris ashpaq.
3. «KazTechInnovations» JShS – jasandy tynys alý apparattary, monitor, ottegi generatorlaryn shyǵaratyn óndiris ashady
4. «Demeu Trading» JShS jeke qorǵanys quraldaryn óndiretin zaýyt ashpaqshy.
Odan bólek, 13 investor Pfizer Export B.V. ókildigi, AO «AFF Nobel», «Abdi Ibrahim Global Pharm» JShS, Polpharma SA, «Serve Kazahstan» JShS, «AB Pharm 2007» JShS, «Boston Biopharma» JShS, «Akniet Pharmaceuticals» JShS, «Birýnifarm» JShS, «Sultan» JShS, «Firma Kyzyl Mai» kásiporny, «Fitoleým» JShS, «ZERDE»JShS óz jobalaryn iske asyrady.
